Балалар сәламәтләндерү лагерьларында балалар һәм яшьләрнең ялын оештыру буенча утырыш

2019 елның 15 августында Татарстан Республикасы Министрлар Кабинетында Татарстан Республикасының бүленгән ситуацион Үзәген төзү проектын гамәлгә ашыру буенча эшче төркем киңәшмәсе узды. Очрашуда катнашучылар «ТР ИСТҮ» ДБУ директоры А. Н.Кудрявцева «Россия Федерациясе субъектларының югары вазыйфаи затлары эшчәнлеген бәяләү индикаторлары мониторингы турында» докладын тыңладылар һәм фикер алыштылар. Киңәшмә эшендә ДБУ «Икътисади һәм социаль тикшеренүләр Үзәге» нең директоры А. Н. Кудрявцева, директор урынбасары Ч. Н. Гайзатуллина һәм макроикътисади анализ бүлеге башлыгы Е.В. Баһаветдинова катнаштылар.

2019 елның 15 августында Татарстан Республикасы хезмәт, халыкны эш белән тәэмин итү һәм социаль яклау Министрлыгында чит ил эшче көчләренә ихтыяҗы һәм аны Татарстан Республикасы өчен расланган квоталар кысаларында бүлү турында эш бирүчеләрнең тәкъдимнәрен карау буенча эшче төркем утырышы узды. Чарада ДБУ «Икътисади һәм социаль тикшеренүләр Үзәге»нең социология бүлеге башлыгы Л. Ф. Казанцева катнашты.

2019 елның 15 августында «Казан Экспо " Халыкара мәгълүмат үзәгендә Татарстан Республикасы Президенты катнашында мәгариф һәм фән хезмәткәрләренең «белем бирү сыйфатын күтәрү факторы буларак тәрбия» республика август киңәшмәсенең пленар утырышы узды. Рөстәм Миңнеханов кереш сүзендә хәбәр иткәнчә, ел ахырына кадәр республикада тагын 5 мәктәп һәм 6 500 укучыга исәпләнгән 3 янкорма, шулай ук 6 070 урынлы 28 балалар бакчасы файдалануга тапшырылачак. Киңәшмәдә төп доклад белән ТР Премьер-министры урынбасары – ТР Мәгариф һәм фән министры Борһанов чыгыш ясады. Киңәшмә эшендә ДБУ «Икътисади һәм социаль тикшеренүләр Үзәге»нең директор урынбасары Р. М. Даутов катнашты.

2019 елның 13 августында Татарстан Республикасы Иҗтимагый палатасында Татарстан Республикасы муниципаль районнарының иҗтимагый советлары рәисләрен чакырып, Татарстан Республикасы Иҗтимагый палатасы советының киңәйтелгән утырышы узды. ДБУ «Икътисади һәм социаль тикшеренүләр Үзәге»нең бюджет өлкәсен мониторинглау бүлеге башлыгы Л.А. Җиһаншина «Татарстан Республикасы муниципаль берәмлекләре иҗтимагый советларының социаль хезмәтләр күрсәтү сыйфатын бәйсез бәяләүдә катнашуы турында» доклад белән чыгыш ясады.