ДБУ "Министрлар Кабинеты каршындагы Татарстан Республикасы Икътисади һәм социаль тикшеренүләр үзәге"

Эшкуарлык буенча Татарстан Республикасы Президенты каршындагы Советның киңәйтелгән утырышы узды

2020 елның 2 марты, дүшәмбе

Агымдагы елның 2 мартында «Пирамида» мәдәни-күңел ачу комплексында Татарстан Республикасы Президенты каршындагы Эшкуарлык Советының XIV киңәйтелгән утырышы узды. Утырыш Татарстан Республикасы Президенты Рөстәм Миңнеханов рәислегендә узды.

Чарада эшмәкәрләр, республика хакимият органнары җитәкчеләре, муниципаль район башлыклары, ТР Дәүләт Советы депутатлары, чакырылган кунаклар катнашты.

Очрашуда катнашучыларны сәламләп, Р.Н.Миңнеханов билгеләп үткәнчә, Эшкуарлык советы бизнесның актуаль мәсьәләләрен хәл итү өчен яхшы мәйданчык булып тора. «Кайбер мәсьәләләрне без төбәк дәрәҗәсендә хәл итәбез, кайберләре безнең федераль коллегаларыбызга җиткерәбез. Барлык мәсьәләләр дә эшкуарлык җәмәгатьчелеге белән эшләнелә, экспертлар җәлеп ителә. Ышанам , мондый эш формасы нәтиҗә бирә», - дип ассызыклады ул.

Очрашуда катнашучылар тарихи-мәдәни экспертиза процедурасын гадиләштерү, ЕНВДНЫ юкка чыгару нәтиҗәләрен йомшарту, автоматик үлчәү контроле системасын камилләштерү, сөт продукциясен маркировкалау буенча товар җитештерүчеләрдән артык йөкләнешне бетерү, үзмәшгульләр өчен товарларны маркировкалау шартларын гадиләштерү мәсьәләләрен тыңладылар һәм фикер алыштылар.

Утырыш эшендә ДБУ «Икътисади һәм социаль тикшеренүләр Үзәге»нең директоры Кудрявцева А.Н. катнашты.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2024 ел

Татарстан Республикасының бүленгән ситуация үзәген төзү һәм аның эшчәнлеге буенча эшче төркем киңәшмәсе

2024 елның 26 декабрендә Татарстан Республикасы Хөкүмәте Йортында «ТР Икътисади һәм социаль тикшеренүләр үзәге» ДБУ директоры А. Н.Кудрявцева җитәкчелегендә Татарстан Республикасының бүленгән ситуация үзәген булдыру һәм эшләтеп җибәрү буенча эшче төркемнең чираттагы киңәшмәсе узды. Киңәшмә барышында республика башкарма хакимият органнарының «Россия Федерациясе субъектларының югары вазыйфаи затлары (дәүләт хакимиятенең югары башкарма органнары җитәкчеләре) эшчәнлеге нәтиҗәлелеген һәм Россия Федерациясе субъектларының башкарма хакимият органнары эшчәнлеген бәяләү турында» Россия Федерациясе Президентының 2021 елның 4 февралендәге 68 номерлы Указы белән билгеләнгән максатчан күрсәткечләргә ирешүләре турындагы мәгълүмат белән Татарстан Республикасы Икътисад министрының беренче урынбасары О. В. Пелевин чыгыш ясады. 2024 елда Татарстан Республикасының бүленгән ситуация үзәген төзү һәм эшләтеп җибәрү буенча эшче төркем киңәшмәләре беркетмәләренең үтәлеше турында Татарстан Республикасы Министрлар Кабинеты Аппаратының мобилизацион әзерлек һәм махсус программалар идарәсе башлыгы Р. Г. Ахунов сөйләде. «ТР Икътисади һәм социаль тикшеренүләр үзәге» ДБУдан киңәшмә эшендә шулай ук директор урынбасары Ч.Н. Гайзатуллина катнашты.

декабрь, 2024 ел

Җиденче чакырылыш Татарстан Республикасы Дәүләт Советының алтынчы утырышы

2024 елның 23 декабрендә Татарстан Республикасы Дәүләт Советы Рәисе Ф. Х. Мөхәммәтшин җитәкчелегендә җиденче чакырылыш Татарстан Республикасы Дәүләт Советының алтынчы утырышы узды. Сессия эшендә Татарстан Республикасы Рәисе Р.Н.Миңнеханов, Хөкүмәт әгъзалары, чакырылганнар катнашты. Көн тәртибенә барлыгы 34 мәсьәлә чыгарылган. Утырышта 2024 елга һәм 2025 һәм 2026 еллар план чорына Татарстан Республикасы бюджеты турында республика законына үзгәрешләр кертү хакында закон проекты беренче укылышта һәм тулаем алганда кабул ителде. Шулай ук 2024 елга һәм 2025 һәм 2026 еллар план чорына Татарстан Республикасы территориаль мәҗбүри медицина иминияте фонды бюджеты турында республика законына үзгәрешләр кертү хакында закон проекты беренче укылышта һәм тулаем алганда кабул ителде. Моннан тыш, утырышта гражданнарның сәламәтлеге торышы турында Татарстан Республикасы Министрлар Кабинеты доклады тыңланды. Әлеге мәсьәлә буенча мәгълүмат белән Татарстан Республикасы Сәламәтлек саклау министры М. М. Миңнуллин чыгыш ясады. Шулай ук көн тәртибендәге башка мәсьәләләр дә тыңланды һәм фикер алышынды. «ТР Икътисади һәм социаль тикшеренүләр үзәге» ДБУдан утырыш эшендә директор А.Н. Кудрявцева катнашты.

декабрь, 2024 ел

«ТР Икътисади һәм социаль тикшеренүләр үзәге» ДБУ НКС каршындагы семинар утырышы

2024 елның 20 декабрендә «ТР Икътисади һәм социаль тикшеренүләр үзәге» ДБУ НКС каршында директор А.Н.Кудрявцева рәислегендә даими эшләүче семинарның чираттагы утырышы булды. Утырыш барышында түбәндәге темалар тыңланды һәм фикер алышынды: 1. Корпоратив һәм дәүләт идарәсендә комплекслы стратегик аудит уздыру Методикасын эшләү турында. Докладчылар: Каһиров Ф. Ф., Гәрәев А. И., Назаров Р. А. 2. Татарстан Республикасы социаль инфраструктурасы эшчәнлегенең нәтиҗәлелеген комплекслы бәяләү методикасын эшләү турында. Докладчы: Гузенфельд А. Р. 3. Заманча шартларда (шул исәптән мәгълүмати җәмгыятькә күчкәндә) йорт хуҗалыкларын куллану структурасының үзгәрүен комплекслы бәяләү методикасын эшләү турында. Докладчы: Степанова Ф.Н. Утырыш эшендә «ТР Икътисади һәм социаль тикшеренүләр Үзәге» ДБУнең фәнни-координацион советы әгъзалары һәм чакырылган кунаклар катнашты.

декабрь, 2024 ел

"Татарстан Республикасы муниципаль берәмлекләре советы" Ассоциациясе съезды

2023 елның 19 декабрендә «Корстон» КСККда «Татарстан Республикасы муниципаль берәмлекләре советы» Ассоциациясенең XIX съезды узды. Съезд эшендә Татарстан Республикасы Рәисе Р. Н. Миңнеханов, Татарстан Республикасы Премьер-министры А. В. Песошин, Татарстан Республикасы Дәүләт Советы Рәисе Ф. Х. Мөхәммәтшин катнаштылар. Ассоциациянең 2024 елдагы эше һәм 2025 елга бурычлары турындагы хисап доклады белән «Татарстан Республикасы муниципаль берәмлекләре Советы» Ассоциациясе рәисе Гобәйдуллин Э.С. чыгыш ясады. Татарстан Республикасы Рәисе Р. Н.Миңнеханов чыгышында агымдагы елдагы уртак эшкә йомгак ясады һәм алдагы елга бурычлар билгеләде. Ассоциациянең эш нәтиҗәләре буенча төгәлләнүче елда съездда килеп туган сәяси-икътисадый вәзгыятьне исәпкә алып, дәүләт хакимияте органнары һәм республика җирле үзидарә органнары тарафыннан бергәләп хәл итү өчен, шулай ук алда торган Татарстан Республикасы рәисен һәм Татарстан Республикасы муниципаль берәмлекләре Советлары депутатларын сайлауларда өстенлекле бурычлар билгеләнде. «ТР Икътисади һәм социаль тикшеренүләр үзәге» ДБУдан съезд эшендә директор урынбасары А. Б. Гревцов катнашты.

ЯҢАЛЫКЛАРГА ЯЗЫЛУ