ДБУ "Министрлар Кабинеты каршындагы Татарстан Республикасы Икътисади һәм социаль тикшеренүләр үзәге"

Татарстан Респубкасының Президенты Р.Миңнеханов Коррупциягә каршы көрәш Советы утырышын уздырды

2013 елның 12 сентябре, пәнҗешәмбе

Бүген Казан Кремлендә Татарстан Республикасы Президенты Р.Н. Миңнеханов рәислегендә Коррупциягә каршы көрәш Советы утырышы узды. Утырышта “Татарстан Республикасы дәүләт органнарында һәм муниципаль районнарында коррупциягә каршы көрәш чараларын гамәлгә ашыру нәтиҗәлелеге турында”гы мәсьәлә каралды.

Совет утырышын ачып, Татарстан Республикасы Президенты Рөстәм Миңнеханов искә төшергәнчә, республика җитәкчелеге алдында төбәкнең инвестицияләр җәлеп итүчәнлеген арттырыру, татарстанлыларның тормыш дәрәҗәсен күтәрү бурычы тора. Моның өчен, Татарстан Республикасы Президенты сүзләренчә, барлык оешмаларның һәм чиновникларның бергәләшеп эшләве зарур. “Совет башкара торган эш төрле тармаклардагы ситуацияне бәяләргә һәм эшебезнең нәтиҗәлелеген арттыру буенча тиешле чаралар күрергә ярдәм итә”, - дип белдерде Рөстәм Миңнеханов.

Ул билгеләп үткәнчә, конкурент мохит тудыру бурычларын гамәлгә ашыру һәрьяклы мәгълүматтан башка мөмкин түгел, шуңа бәйле рәвештә җитди эш алып барыла. Салым хезмәтләре, хокук саклау органнары белән бергә, “бер көнлек фирмалар” һәм башка шундый салым түләүдән читләшә торган формалар, шул исәптән хезмәт хакын “конвертта” түләү формасы буенча эш алып бара. Бюджет чыгымнары тиешле структуралар тарафыннан даими рәвештә тикшереп торыла.

“Бүген Татарстанда төрле зур масштаблы проектлар гамәлгә ашырыла, һәм кайберәүләр, бу эшкә гади “кулланучылар” позициясенә басып керештеләр”, - дип саный Рөстәм Миңнеханов. – Мондый нәтиҗәгә бюджет чыгымнарын тоту буенча ел саен ачыла торган хокук бозулардан соң үзеннән-үзе киләсең. Мин игътибар белән ЭЭМ статистикасын карап чыктым - 1000гә якын коррупцион җинаять ачыкланган, зыян 140 млн сумнан артып киткән. Ришвәт бирү, урлашулар, үз мәнфәгатьләрен алга сөрү очраклары бар”.

Коррупция, Татарстан Республикасы Президенты сүзләренчә, бигрәк тә ТКХ, төзелеш, җирләр әйләнеше өлкәсендә сизелә. Җир мөнәсәбәтләре өлкәсендә ярты ел эчендә 300ләп хокук бозу ачыкланган, авыл хуҗалыгы җирләрен күпләп дача төзүләр өчен тартып алу очраклары “модага” керде.

Татарстан Республикасында коррупциягә каршы көрәшнең торышы турындагы төп нотык белән Татарстан Республикасы Президентының Коррупциягә каршы сәясәте идарәсе башлыгы Марс Бәдретдинов чыгыш ясады. Татарстан Республикасы эчке эшләр министры Артем Хохорин, Татарстан Прокуроры Кафил Әмиров нотыклары тыңланды.

Нотыкларда коррупциягә каршы көрәш өлкәсендә ачыкланган кайбер проблемалар билгеләп үтелде.

Максатчан программаларны гамәлгә ашырганда да, бюджет чараларыннан һәм дәүләт, муниципаль мөлкәттән файдаланганда да коррупция куркынычы сакланып кала. Башкарма хакимият органнары тарафыннан башкарыла торган профилактик гамәлләр гел генә дә нәтиҗәле булып чыкмый, ведомство контроленә принципиальлек җитми.

Совет торак-коммуналь хезмәт күрсәтүләр өлкәсендәге хокук бозуларга һәм коррупцион куркынычлыкка, шул исәптән әлеге базарда хуҗалык итүче субъектларның монополистик хәленә дә игътибарны юнәлтте.

Совет утырышы йомгаклары буенча Татарстан Республикасы дәүләт органнарында һәм муниципаль районнарында коррупциягә каршы көрәш чараларын гамәлгә ашыру нәтиҗәлелеген арттыруга юнәлдерелгән рекомендацияләр кабул итте.

Утырышта ДБУ “Икътисади һәм социаль тикшеренүләр Үзәге”нең директоры А.Н.Кудрявцева катнашты.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

март, 2026 ел

Легаль булмаган мәшгульлеккә каршы көрәш буенча Республика ведомствоара комиссиясенең һәм хезмәт хакы буенча срогы чыккан бурычларны формалаштыруга каршы көрәш буенча Республика ведомствоара комиссиясенең уртак утырышы

2026 елның 27 мартында Татарстан Республикасы хезмәт, халыкны эш белән тәэмин итү һәм социаль яклау министрлыгында Татарстан Республикасы хезмәт, халыкны эш белән тәэмин итү һәм социаль яклау министрының беренче урынбасары Р.Ф.Вәлиуллов рәислегендә легаль булмаган эш белән тәэмин итүгә каршы тору буенча республика ведомствоара комиссиясенең һәм хезмәт хакы буенча срогы чыккан бурычларны формалаштыруга каршы тору буенча республика ведомствоара комиссиясенең уртак утырышы булды. Утырышта хезмәт хакы буенча бурычларны түләүне тәэмин итү, рәсми булмаган мәшгульлекне киметү, хезмәт хакының билгеләнгән минималь күләменнән түбән булмаган дәрәҗәсен тәэмин итү мәсьәләләре каралды. «ТР Икътисади һәм социаль тикшеренүләр үзәге» ДБУдан видеоконференцэлемтә режимында утырыш эшендә директор урынбасары А.Б. Гревцов һәм социология бүлеге башлыгы Л. Ф. Казанцева катнаштылар.

Социаль-хезмәт мөнәсәбәтләрен җайга салу буенча республика өчьяклы комиссиясе каршындагы хезмәткә түләү, халыкның керемнәре һәм тормыш дәрәҗәсе буенча Координация советы утырышы

2026 елның 27 мартында Татарстан Республикасы хезмәт, халыкны эш белән тәэмин итү һәм социаль яклау министрлыгында видеоконференцэлемтә режимында Татарстан Республикасы хезмәт, халыкны эш белән тәэмин итү һәм социаль яклау министрының беренче урынбасары Р.Ф.Вәлиуллов рәислегендә социаль-хезмәт мөнәсәбәтләрен җайга салу буенча республика өчьяклы комиссиясе каршындагы хезмәткә түләү, керемнәр һәм халыкның тормыш дәрәҗәсе буенча Координация советының чираттагы утырышы узды. Утырышта республиканың аерым оешмаларының финанс-икътисадый хәле һәм аларның хезмәт хакын түләү һәм мәҗбүри пенсия, медицина һәм социаль иминиятләштерүгә түләүләр буенча бурычларын каплау чаралары турындагы мәсьәләләр каралды. Утырыш эшендә «ТР Икътисади һәм социаль тикшеренүләр үзәге» ДБУдан социология бүлеге башлыгы Казанцева Л.Ф. катнашты.

март, 2026 ел

Татарстан Республикасы Муниципаль берәмлекләре катнашында Татарстан Республикасы икътисадының тотрыклы үсешен тәэмин итү буенча эш төркеме утырышы

2026 елның 18 мартында Татарстан Республикасы Икътисад министрлыгында Татарстан Республикасы Премьер-министры урынбасары – Татарстан Республикасы икътисад министры М.Р.Шаһиәхмәтов җитәкчелегендә видеоконференцэлемтә режимында Татарстан Республикасы икътисадының тотрыклы үсешен тәэмин итү буенча чараларның республика планын гамәлгә ашыру буенча эш төркеменең чираттагы утырышы булды. Утырышта министрлыклар, ведомстволар, федераль хакимият органнарының территориаль органнары, Татарстан Республикасы Муниципаль берәмлекләре вәкилләре катнашты. Утырыш кысаларында түбәндәге мәсьәләләр каралды һәм фикер алышынды: 1. Татарстан Республикасы бизнесын салым законнарындагы үзгәрешләргә яраклаштыру мәсьәләләре турында. 2. Татарстан Республикасы муниципаль берәмлекләренең бердәм килештерүләр Кабинетында агымдагы эш статусы турында. 3. Сәнәгать җитештерүе индексын киметеп предприятиеләрнең республика маркетинг үзәге платформасында эшләү турында. 4. Хезмәт җитештерүчәнлеген арттыру турында. 5. Россия Банкының финанс грамоталылыгын арттыруга һәм финанс культурасын формалаштыруга юнәлдерелгән онлайн-проектлары турында. Утырыш эшендә «ТР Икътисади һәм социаль тикшеренүләр үзәге» ДБУдан директор урынбасары Гарипов А. Ш., предприятиеләр икътисады һәм төбәк сәясәте бүлеге башлыгы Гыйльметдинов А.Р. һәм икътисадый планлаштыру һәм программалаштыру бүлегенең баш белгече Зиннурова Э. Ф. катнашты.

март, 2026 ел

Җиденче чакырылыш Татарстан Республикасы Дәүләт Советының унтугызынчы утырышы

2026 елның 17 мартында җиденче чакырылыш Татарстан Республикасы Дәүләт Советының унтугызынчы утырышы булды. Утырыш эшендә Татарстан Республикасы Рәисе Р.Н.Миңнеханов, Татарстан Республикасы Дәүләт Киңәшчесе М. Ш. Шәймиев, Татарстан Республикасы Премьер-министры А. В. Песошин, Россия Федерациясе Дәүләт Думасы депутатлары һәм Татарстан Республикасыннан Федерация Советы сенаторлары, Татарстан Республикасы Хөкүмәте әгъзалары, республика министрлыклары һәм ведомстволары, муниципаль берәмлекләр җитәкчеләре катнашты. Татарстан Республикасы Дәүләт Советы утырышында 2025 елда Татарстан Республикасы Конституция Советының, 2025 елда бала хокукларын һәм законлы мәнфәгатьләрен үтәү буенча Татарстан Республикасында бала хокуклары буенча вәкаләтле вәкилнең эшчәнлеге турында докладлар, Татарстан Республикасы Рәисе каршындагы эшкуарлар хокукларын яклау буенча вәкаләтле вәкилнең 2025 елдагы эшчәнлеге нәтиҗәләре, шулай ук, Татарстан Республикасы фәннәр Академиясенең 2025 елгы хисабы турында мәгълүматы тәкъдим ителде. Утырышта шулай ук көн тәртибендәге башка мәсьәләләр дә һәм тикшерелде, шул исәптән Татарстан Республикасы Дәүләт Советы депутаты, Татарстан Республикасы Дәүләт Советы Рәисе Ф.Х. Мөхәммәтшин вәкаләтләрен вакытыннан алда туктату һәм Татарстан Республикасы Дәүләт Советы Рәисе вазыйфаларын башкаручыны сайлау турындагы мәсьәлә тыңланды. «ТР Икътисади һәм социаль тикшеренүләр үзәге» ДБУдан утырыш эшендә директор А.Н. Кудрявцева катнашты.

ЯҢАЛЫКЛАРГА ЯЗЫЛУ