Татарстан Республикасының бүленгән ситуация үзәген төзү һәм аның эшчәнлеге буенча эшче төркем киңәшмәсе
2025 елның 24 апрелендә Татарстан Республикасы Министрлар Кабинетында «ТР Икътисади һәм социаль тикшеренүләр үзәге» ДБУ директоры А. Н. Кудрявцева җитәкчелегендә Татарстан Республикасының бүленгән ситуация үзәген төзү һәм эшләтеп җибәрү буенча эшче төркем киңәшмәсе узды.
Киңәшмә барышында түбәндәге мәсьәләләр тыңланды һәм фикер алышынды:
Татарстан Республикасында цифрлы кире элемтәнең төп чыганакларын берләштерә торган гражданнар мөрәҗәгатьләрен, хәбәрләрен анализлау һәм эшкәртүнең мәгълүмати системасын төзү концепциясе проекты турында.
Системаны булдыруны исәпкә алып, Татарстан Республикасы Рәисе администрациясенең структур бүлекчәләре турындагы нигезләмәгә тиешле үзгәрешләр кертү, шулай ук, рольле функцияләрне исәпкә алып, Татарстан Республикасы Рәисе мәгълүмат-аналитика идарәсе һәм системаның башка катнашучылары эшчәнлеге регламентына үзгәрешләр кертү буенча Татарстан Республикасы Рәисе адресына мөрәҗәгать әзерләү турында.
«Россия Федерациясе субъектларының югары вазыйфаи затлары эшчәнлегенең һәм Россия Федерациясе субъектларының башкарма органнары эшчәнлегенең нәтиҗәлелеген бәяләү турында» Россия Федерациясе Президентының 28.11.2024 № 1014 Указы (алга таба - Указ) белән билгеләнгән максатчан күрсәткечләргә ирешү турында.
Республика башкарма хакимиятенең җаваплы органнары вазыйфаи затларының белешмәләрне җыю һәм исәпкә алу системасын төзү, аларны структуралаштыру һәм Указ белән расланган күрсәткечләрне исәпләү өчен мониторинглау мәсьәләсе буенча тыңлау нәтиҗәләре турында.
«ТР Икътисади һәм социаль тикшеренүләр үзәге» ДБУдан киңәшмә эшендә директор урынбасары Ч.Н. Гайзатуллина катнашты.