ДБУ "Министрлар Кабинеты каршындагы Татарстан Республикасы Икътисади һәм социаль тикшеренүләр үзәге"

Биналарның һәм корылмаларның иминлеге нигезләре буларак, төзелештә техник җайга салу системасын камилләштерү мәсьәләләре буенча киңәшмә узды

2013 елның 18 декабре, чәршәмбе

Татарстан Республикасы Министрлар Кабинетында биналарның һәм корылмаларның иминлеге нигезләре буларак, төзелештә техник җайга салу системасын камилләштерү мәсьәләләре буенча киңәшмә узды.

Чарада Татарстан Республикасы Президенты Р.Н. Миңнеханов, Россия Федерациясе Төзелеш һәм ТКХ министрының беренче урынбасары Леонид Ставицкий катнашты.

Татарстан Республикасы төзелеш күләмнәре буенча Идел буе федераль округында – беренче урынны, Россия регионнары арасында бишенче урынны алып тора. 2013 елда Татарстанда 2,4 млрд. кв. метр торак файдалануга тапшырылган. 2013 елның 11 ае эчендә республикада төзелеш тармаклары буенча 244 млрд. сумлык эш башкарылган.

Киңәшмә барышында Рөстәм Миңнеханов хәбәр иткәнчә, бүген республиканың төзелеш комплексы зур мөмкинлекләргә ия, 6,5 меңләп төзелеш бүлекчәләре бар.

Төзелеш тармагы югары квалификацияле белгечләргә мохтаҗ, дип билгеләп үтте Рөстәм Миңнеханов, бу инженер составы да, махсус урта белемле белгечләр дә. Тулаем, Татарстан Республикасы Президенты сүзләренчә, төзелеш индустриясенең эре һәм уртача предприятиеләрендә 65 меңнән артык кеше эшли.

Безнең өстенлекләрнең берсе – “Главинвестстрой” кебек дәүләт заказчысы булу, диде Рөстәм Миңнеханов, бу проектларны ахыргача җиткерергә, объектларны проектларга, кабат куллану проектларына таянырга ярдәм итә. Моннан тыш, бу бюджет акчаларын тотуны тикшереп торырга, төзелеш эшләренең хакын минимальләштерергә этәргеч бирә.

Безнең өчен төзелеш өлкәсендә нормалар, кагыйдәләр һәм стандартлар җыелмасын раслау, техник яктан җайлау мәсьәләләре мөһим, дип әйтте Татарстан Президенты. Соңгы ун ел эчендә объектларны эксплуатациягә кертүгә тәэсир итә торган энергетика һәм комуналь хуҗалык өлкәсендәге, санитар-эпидемиология һәм экология куркынычсызлыгы, янгын куркынычсызлыгы, хезмәт саклау өлкәсендә 60тан артык норматив техник документлар чыгарылган. Шул ук вакытта "кире ягы2 да бар - төзелеш комплексы һәм инвесторлар нормативлар системасының тиз үзгәрешләрен күзәтеп җиткерәлмиләр, бигрәк тә янгын куркынычсызлыгы мәсьәләләрендә. Моннан тыш бу объектларның кыйбатлануына җитди тәэсир итә.

Без зур проектларны ашыра башлыйбыз - "Иннополис" шәһәр-иярчене, "Смарт-Сити Казан" кебек проектлар, Түбән Камада, "Алабуга" МИЗ территориясендә сәнәгать объектлары - әлбәттә, барлык бу объектларга заманча нормативлар кирәк, дип әйтте Рөстәм Миңнеханов, аларны куллану объектлар төзүне оптимальләштерер иде, аларны төзү вакытын кыскартыр иде.

Рөстәм Миңнеханов шулай ук бүгенге көндә заманча төзелеш материалларны һәм технологияләрен куллану да мөһим икәнен билгеләп үтте.

Татарстан Президенты авылга юл төзүне мисал итеп китерде. "Бүгенге стандарт буенча юлның километры 22-23 млн. сумга төшә, - дип әйтте Рөстәм Миңнеханов, - сәгатенә өм машина узучы авыл юлына андый акча туздыру нигә кирәк?"

Рөстәм Миңнеханов фикеренчә, бүген кайбер стандартларны гадиләштерү кирәктер. Гомумән, дип әйтте ул, төзелештә техник җайга салу системасы, биналар һәм төзелмәләрнең тормышлары чорларында куркынычсызлыгының нигезе буларак, бик актуаль.

Әлеге җыелышта ДБУ “Икътисади һәм социаль тикшеренүләр Үзәге”нең директоры А.Н.Кудрявцева катнашты.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

март, 2026 ел

Легаль булмаган мәшгульлеккә каршы көрәш буенча Республика ведомствоара комиссиясенең һәм хезмәт хакы буенча срогы чыккан бурычларны формалаштыруга каршы көрәш буенча Республика ведомствоара комиссиясенең уртак утырышы

2026 елның 27 мартында Татарстан Республикасы хезмәт, халыкны эш белән тәэмин итү һәм социаль яклау министрлыгында Татарстан Республикасы хезмәт, халыкны эш белән тәэмин итү һәм социаль яклау министрының беренче урынбасары Р.Ф.Вәлиуллов рәислегендә легаль булмаган эш белән тәэмин итүгә каршы тору буенча республика ведомствоара комиссиясенең һәм хезмәт хакы буенча срогы чыккан бурычларны формалаштыруга каршы тору буенча республика ведомствоара комиссиясенең уртак утырышы булды. Утырышта хезмәт хакы буенча бурычларны түләүне тәэмин итү, рәсми булмаган мәшгульлекне киметү, хезмәт хакының билгеләнгән минималь күләменнән түбән булмаган дәрәҗәсен тәэмин итү мәсьәләләре каралды. «ТР Икътисади һәм социаль тикшеренүләр үзәге» ДБУдан видеоконференцэлемтә режимында утырыш эшендә директор урынбасары А.Б. Гревцов һәм социология бүлеге башлыгы Л. Ф. Казанцева катнаштылар.

Социаль-хезмәт мөнәсәбәтләрен җайга салу буенча республика өчьяклы комиссиясе каршындагы хезмәткә түләү, халыкның керемнәре һәм тормыш дәрәҗәсе буенча Координация советы утырышы

2026 елның 27 мартында Татарстан Республикасы хезмәт, халыкны эш белән тәэмин итү һәм социаль яклау министрлыгында видеоконференцэлемтә режимында Татарстан Республикасы хезмәт, халыкны эш белән тәэмин итү һәм социаль яклау министрының беренче урынбасары Р.Ф.Вәлиуллов рәислегендә социаль-хезмәт мөнәсәбәтләрен җайга салу буенча республика өчьяклы комиссиясе каршындагы хезмәткә түләү, керемнәр һәм халыкның тормыш дәрәҗәсе буенча Координация советының чираттагы утырышы узды. Утырышта республиканың аерым оешмаларының финанс-икътисадый хәле һәм аларның хезмәт хакын түләү һәм мәҗбүри пенсия, медицина һәм социаль иминиятләштерүгә түләүләр буенча бурычларын каплау чаралары турындагы мәсьәләләр каралды. Утырыш эшендә «ТР Икътисади һәм социаль тикшеренүләр үзәге» ДБУдан социология бүлеге башлыгы Казанцева Л.Ф. катнашты.

март, 2026 ел

Татарстан Республикасы Муниципаль берәмлекләре катнашында Татарстан Республикасы икътисадының тотрыклы үсешен тәэмин итү буенча эш төркеме утырышы

2026 елның 18 мартында Татарстан Республикасы Икътисад министрлыгында Татарстан Республикасы Премьер-министры урынбасары – Татарстан Республикасы икътисад министры М.Р.Шаһиәхмәтов җитәкчелегендә видеоконференцэлемтә режимында Татарстан Республикасы икътисадының тотрыклы үсешен тәэмин итү буенча чараларның республика планын гамәлгә ашыру буенча эш төркеменең чираттагы утырышы булды. Утырышта министрлыклар, ведомстволар, федераль хакимият органнарының территориаль органнары, Татарстан Республикасы Муниципаль берәмлекләре вәкилләре катнашты. Утырыш кысаларында түбәндәге мәсьәләләр каралды һәм фикер алышынды: 1. Татарстан Республикасы бизнесын салым законнарындагы үзгәрешләргә яраклаштыру мәсьәләләре турында. 2. Татарстан Республикасы муниципаль берәмлекләренең бердәм килештерүләр Кабинетында агымдагы эш статусы турында. 3. Сәнәгать җитештерүе индексын киметеп предприятиеләрнең республика маркетинг үзәге платформасында эшләү турында. 4. Хезмәт җитештерүчәнлеген арттыру турында. 5. Россия Банкының финанс грамоталылыгын арттыруга һәм финанс культурасын формалаштыруга юнәлдерелгән онлайн-проектлары турында. Утырыш эшендә «ТР Икътисади һәм социаль тикшеренүләр үзәге» ДБУдан директор урынбасары Гарипов А. Ш., предприятиеләр икътисады һәм төбәк сәясәте бүлеге башлыгы Гыйльметдинов А.Р. һәм икътисадый планлаштыру һәм программалаштыру бүлегенең баш белгече Зиннурова Э. Ф. катнашты.

март, 2026 ел

Җиденче чакырылыш Татарстан Республикасы Дәүләт Советының унтугызынчы утырышы

2026 елның 17 мартында җиденче чакырылыш Татарстан Республикасы Дәүләт Советының унтугызынчы утырышы булды. Утырыш эшендә Татарстан Республикасы Рәисе Р.Н.Миңнеханов, Татарстан Республикасы Дәүләт Киңәшчесе М. Ш. Шәймиев, Татарстан Республикасы Премьер-министры А. В. Песошин, Россия Федерациясе Дәүләт Думасы депутатлары һәм Татарстан Республикасыннан Федерация Советы сенаторлары, Татарстан Республикасы Хөкүмәте әгъзалары, республика министрлыклары һәм ведомстволары, муниципаль берәмлекләр җитәкчеләре катнашты. Татарстан Республикасы Дәүләт Советы утырышында 2025 елда Татарстан Республикасы Конституция Советының, 2025 елда бала хокукларын һәм законлы мәнфәгатьләрен үтәү буенча Татарстан Республикасында бала хокуклары буенча вәкаләтле вәкилнең эшчәнлеге турында докладлар, Татарстан Республикасы Рәисе каршындагы эшкуарлар хокукларын яклау буенча вәкаләтле вәкилнең 2025 елдагы эшчәнлеге нәтиҗәләре, шулай ук, Татарстан Республикасы фәннәр Академиясенең 2025 елгы хисабы турында мәгълүматы тәкъдим ителде. Утырышта шулай ук көн тәртибендәге башка мәсьәләләр дә һәм тикшерелде, шул исәптән Татарстан Республикасы Дәүләт Советы депутаты, Татарстан Республикасы Дәүләт Советы Рәисе Ф.Х. Мөхәммәтшин вәкаләтләрен вакытыннан алда туктату һәм Татарстан Республикасы Дәүләт Советы Рәисе вазыйфаларын башкаручыны сайлау турындагы мәсьәлә тыңланды. «ТР Икътисади һәм социаль тикшеренүләр үзәге» ДБУдан утырыш эшендә директор А.Н. Кудрявцева катнашты.

ЯҢАЛЫКЛАРГА ЯЗЫЛУ