ДБУ "Министрлар Кабинеты каршындагы Татарстан Республикасы Икътисади һәм социаль тикшеренүләр үзәге"

Татарстан Республикасы Дәүләт Советының 49 нчы утырышы

2014 елның 20 марты, пәнҗешәмбе

Бүгенге утырышта “2014 елга, 2015 һәм 2016 еллар план чорына Татарстан Республикасы бюджеты турында” Татарстан Республикасы Законына үзгәрешләр кертү хакында” Татарстан Республикасы законы проекты каралды.

Закон проекты белән ТР финанслар министры Радик Гайзатуллин таныштырды. Аның әйтүенчә закон проекты “2014 – 2020 елларга энергияне сак тоту һәм энергетика нәтиҗәлелеген арттыру» дәүләт программасы һәм “2014-2020 елларга Татарстан Республикасы гражданнарын социаль яклау” дәүләт программасының “Уңайлы мохит” ярдәмче программасы буенча чыгымнарны чагылдыру максатларында әзерләнгән.

“Административ хокук бозулар турындагы Татарстан Республикасы кодексына үзгәрешләр кертү турындагы” Закон проекты каралды. Ул беренче укылышта кабул ителде. Хокук бозулар өчен административ штрафларны күтәрүне күздә тоткан закон проектын ТР юстиция министры Лариса Глухова тәкъдим итте. Аның әйтүенчә, Казан шәһәре муниципаль берәмлеге җирле үзидарә органнары тарафыннан уздырылган анализ күрсәткәнчә, Казан шәһәре территориясендә урамнарда сәүдә итүне оештыру өлкәсендә хокук бозулар саны арта бара. Бүгенге көндә Казанда аерым билгеләнгән урыннарда сәүдә итү өчен оптималь шартлар тудырылган, шуның белән бергә, күп кенә гражданнар шушы максатлар өчен билгеләнмәгән урыннарда сәүдә итүне дәвам иттерәләр, шул исәптән транспорт объектларына якын җирдә, сәламәтлек өчен куркыныч булган урыннарда да. Урамнарда сәүдә итүне оештыру тәртибен бозган затлар үз гамәлләре белән, кагыйдә буларак, башка хокук бозулар да китереп чыгаралар. “Статистика күрсәткечләрен анализлау нәтиҗәләре буенча, Административ хокук бозулар турындагы ТР кодексының 3.2, 4.3, 4.4 маддәләрендә каралган административ хокук бозулар өчен җәзалар санының арта баруы күренә”, - дип белдерде Лариса Глухова. Моңа бәйле рәвештә, штарфларны арттыру муниципаль берәмлек территорияләрендә урам сәүдәсен тәртипкә китерергә мөмкинлек бирәчәк, дип саный ул. Кайбер депутатлар бу мәсьәләгә карата каршылыклы фикерләр белән чыкты.

Республика хөкүмәте составындагы кайбер үзгәрешләр белән парламентарийларны ТР Премьер-министры Илдар Халиков таныштырды.

Фикер алышулар вакытында Премьер-министрга әлеге атама үзгәртүләрнең максатлары һәм ведомстволарных бурычлары турында сораулар бирелде. Илдар Халиков аларга адлаешлы һәм тулы җавап бирде. Нәтиҗәдә депутатлар ТР Дәүләт сатып алулар идарәсен ТР Сатып алулар буенча дәүләт комитеты итеп үзгәртү, ТР Туризм агентлыгын ТР Туризм дәүләт комитеты итеп үзгәртү һәм ТР Яшьләр эшләре, спорт һәм туризм министрлыгын ТР Яшьләр эшләре һәм спорт министрлыгы итеп үзгәртү турында Татарстан Президенты тәкъдимнәре белән килешергә карар кылдылар.

Утырышта ДБУ “Икътисади һәм социаль тикшеренүләр Үзәге”нең директоры А.Н.Кудрявцева катнашты.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

март, 2026 ел

Легаль булмаган мәшгульлеккә каршы көрәш буенча Республика ведомствоара комиссиясенең һәм хезмәт хакы буенча срогы чыккан бурычларны формалаштыруга каршы көрәш буенча Республика ведомствоара комиссиясенең уртак утырышы

2026 елның 27 мартында Татарстан Республикасы хезмәт, халыкны эш белән тәэмин итү һәм социаль яклау министрлыгында Татарстан Республикасы хезмәт, халыкны эш белән тәэмин итү һәм социаль яклау министрының беренче урынбасары Р.Ф.Вәлиуллов рәислегендә легаль булмаган эш белән тәэмин итүгә каршы тору буенча республика ведомствоара комиссиясенең һәм хезмәт хакы буенча срогы чыккан бурычларны формалаштыруга каршы тору буенча республика ведомствоара комиссиясенең уртак утырышы булды. Утырышта хезмәт хакы буенча бурычларны түләүне тәэмин итү, рәсми булмаган мәшгульлекне киметү, хезмәт хакының билгеләнгән минималь күләменнән түбән булмаган дәрәҗәсен тәэмин итү мәсьәләләре каралды. «ТР Икътисади һәм социаль тикшеренүләр үзәге» ДБУдан видеоконференцэлемтә режимында утырыш эшендә директор урынбасары А.Б. Гревцов һәм социология бүлеге башлыгы Л. Ф. Казанцева катнаштылар.

Социаль-хезмәт мөнәсәбәтләрен җайга салу буенча республика өчьяклы комиссиясе каршындагы хезмәткә түләү, халыкның керемнәре һәм тормыш дәрәҗәсе буенча Координация советы утырышы

2026 елның 27 мартында Татарстан Республикасы хезмәт, халыкны эш белән тәэмин итү һәм социаль яклау министрлыгында видеоконференцэлемтә режимында Татарстан Республикасы хезмәт, халыкны эш белән тәэмин итү һәм социаль яклау министрының беренче урынбасары Р.Ф.Вәлиуллов рәислегендә социаль-хезмәт мөнәсәбәтләрен җайга салу буенча республика өчьяклы комиссиясе каршындагы хезмәткә түләү, керемнәр һәм халыкның тормыш дәрәҗәсе буенча Координация советының чираттагы утырышы узды. Утырышта республиканың аерым оешмаларының финанс-икътисадый хәле һәм аларның хезмәт хакын түләү һәм мәҗбүри пенсия, медицина һәм социаль иминиятләштерүгә түләүләр буенча бурычларын каплау чаралары турындагы мәсьәләләр каралды. Утырыш эшендә «ТР Икътисади һәм социаль тикшеренүләр үзәге» ДБУдан социология бүлеге башлыгы Казанцева Л.Ф. катнашты.

март, 2026 ел

Татарстан Республикасы Муниципаль берәмлекләре катнашында Татарстан Республикасы икътисадының тотрыклы үсешен тәэмин итү буенча эш төркеме утырышы

2026 елның 18 мартында Татарстан Республикасы Икътисад министрлыгында Татарстан Республикасы Премьер-министры урынбасары – Татарстан Республикасы икътисад министры М.Р.Шаһиәхмәтов җитәкчелегендә видеоконференцэлемтә режимында Татарстан Республикасы икътисадының тотрыклы үсешен тәэмин итү буенча чараларның республика планын гамәлгә ашыру буенча эш төркеменең чираттагы утырышы булды. Утырышта министрлыклар, ведомстволар, федераль хакимият органнарының территориаль органнары, Татарстан Республикасы Муниципаль берәмлекләре вәкилләре катнашты. Утырыш кысаларында түбәндәге мәсьәләләр каралды һәм фикер алышынды: 1. Татарстан Республикасы бизнесын салым законнарындагы үзгәрешләргә яраклаштыру мәсьәләләре турында. 2. Татарстан Республикасы муниципаль берәмлекләренең бердәм килештерүләр Кабинетында агымдагы эш статусы турында. 3. Сәнәгать җитештерүе индексын киметеп предприятиеләрнең республика маркетинг үзәге платформасында эшләү турында. 4. Хезмәт җитештерүчәнлеген арттыру турында. 5. Россия Банкының финанс грамоталылыгын арттыруга һәм финанс культурасын формалаштыруга юнәлдерелгән онлайн-проектлары турында. Утырыш эшендә «ТР Икътисади һәм социаль тикшеренүләр үзәге» ДБУдан директор урынбасары Гарипов А. Ш., предприятиеләр икътисады һәм төбәк сәясәте бүлеге башлыгы Гыйльметдинов А.Р. һәм икътисадый планлаштыру һәм программалаштыру бүлегенең баш белгече Зиннурова Э. Ф. катнашты.

март, 2026 ел

Җиденче чакырылыш Татарстан Республикасы Дәүләт Советының унтугызынчы утырышы

2026 елның 17 мартында җиденче чакырылыш Татарстан Республикасы Дәүләт Советының унтугызынчы утырышы булды. Утырыш эшендә Татарстан Республикасы Рәисе Р.Н.Миңнеханов, Татарстан Республикасы Дәүләт Киңәшчесе М. Ш. Шәймиев, Татарстан Республикасы Премьер-министры А. В. Песошин, Россия Федерациясе Дәүләт Думасы депутатлары һәм Татарстан Республикасыннан Федерация Советы сенаторлары, Татарстан Республикасы Хөкүмәте әгъзалары, республика министрлыклары һәм ведомстволары, муниципаль берәмлекләр җитәкчеләре катнашты. Татарстан Республикасы Дәүләт Советы утырышында 2025 елда Татарстан Республикасы Конституция Советының, 2025 елда бала хокукларын һәм законлы мәнфәгатьләрен үтәү буенча Татарстан Республикасында бала хокуклары буенча вәкаләтле вәкилнең эшчәнлеге турында докладлар, Татарстан Республикасы Рәисе каршындагы эшкуарлар хокукларын яклау буенча вәкаләтле вәкилнең 2025 елдагы эшчәнлеге нәтиҗәләре, шулай ук, Татарстан Республикасы фәннәр Академиясенең 2025 елгы хисабы турында мәгълүматы тәкъдим ителде. Утырышта шулай ук көн тәртибендәге башка мәсьәләләр дә һәм тикшерелде, шул исәптән Татарстан Республикасы Дәүләт Советы депутаты, Татарстан Республикасы Дәүләт Советы Рәисе Ф.Х. Мөхәммәтшин вәкаләтләрен вакытыннан алда туктату һәм Татарстан Республикасы Дәүләт Советы Рәисе вазыйфаларын башкаручыны сайлау турындагы мәсьәлә тыңланды. «ТР Икътисади һәм социаль тикшеренүләр үзәге» ДБУдан утырыш эшендә директор А.Н. Кудрявцева катнашты.

ЯҢАЛЫКЛАРГА ЯЗЫЛУ