ДБУ "Министрлар Кабинеты каршындагы Татарстан Республикасы Икътисади һәм социаль тикшеренүләр үзәге"

2015 елның гыйнвар-февраль айларында сәнәгать производствосы индексы республикада 99,3 % тәшкил итте

2015 елның 13 марты, җомга

Бүген Татарстан Республикасы Министрлар Кабинеты каршындагы Икътисадый совет утырышында «Татарстан Республикасы товарларын тышкы базарларга этәрү» мәгълүмати-аналитик системаны кертү, Татарстан Республикасының агымдагы социаль-икътисадый күрсәткечләре һәм 2015 елда салым түләүләре керүе хакында сөйләштеләр. Утырышны Татарстан Республикасы Президенты Рөстәм Миңнеханов уздырды. Икътисадый совет эшендә видеоконференцэлемтә режимында Татарстан Республикасының бөтен муниципаль районнары һәм шәһәр округлары, предприятиеләре һәм оешмалары җитәкчеләре катнашты.

Рөстәм Миңнеханов кереш сүзендә билгеләгәнчә, 2015 елда икътисадта вәзгыять бик җитди, гыйнвар ае нәтиҗәләре буенча производство күләменең күпмедер кимүе сизелә. Шулай ук республиканың консолидацияләнгән бюджетына түләүләр дә кимеде.

Рөстәм Миңнеханов ел башыннан агымдагы салымнар буенча бурычлар 11,5 % үсүен билгеләде. Татарстан Президенты бюджетка түләүләр буенча бурычлар артуын булдырмаска һәм дәүләт, муниципаль органнарының бу юнәлештә эшен көчәйтергә чакырды.

Рөстәм Миңнеханов компанияләр һәм оешмаларның эшчәнлекләре нәтиҗәсендә күргән зыяннарына аерым игътибар итте.

Федераль дәүләт статистикасы хезмәтенең Татарстан Республикасы территориаль органы җитәкчесе Валерий Кандилов хәбәр иткәнчә, 2015 елның гыйнвар-февраль айларында сәнәгать производствосы индексы республикада 99,3 % тәшкил итте.

«Татарстан Республикасы товарларын тышкы базарларга этәрү» мәгълүмати-аналитик системасы турында Валерий Кандилов җентекләбрәк сөйләде. Республика җитештерүчеләре эшчәнлекләрен даими рәвештә мониторинглау, коньюктураны өйрәнү, тышкы базарларда вәзгыятьне бәяләү, потенциаль конкурентларны анализлау планлаштырыла. Кулланыштагы азык-төлек һәм азык-төлек булмаган товарлар, җитештерү-техник билгеләнештәге товарлар (60 атама) мониторинг объектлары булачак.

Рөстәм Миңнехановка Россия регионнары буенча сәүдә үсеше вариантлары тәкъдим ителде – кайда сату-алу үсеше мөмкин, ә кайда базар кимиячәк.

Татарстан Президенты билгеләгәнчә, бүген республика җитештерүчеләренә сату базарларын табу һәм киңәйтү мәсьәләсе бик мөһим. Ул бу юнәлешкә игътибар итәргә өндәде.

2015 елда Татарстан Республикасының салым керемнәре һәм консолидацияләнгән бюджетына керемнәре буенча бурычлар турында Федераль салым хезмәтенең ТР идарәсе җитәкчесе Марат Сафиуллин хәбәр итте. Ул 2015 елның гыйнвар-февраль айларында, узган елның шул ук чоры белән чагыштырганда, Татарстан Республикасының консолидацияләнгән бюджетына табышка салымнар буенча һәм спирт, алкоголь продукциясенә акцизлар буенча керемнәр кимүен билгеләде Шул ук вакытта физик затлар табышыннан салымнар, җир һәм транспорт салымнарыннан керемнәр артуын билгеләде.

Җыелышта ДБУ “Икътисади һәм социаль тикшеренүләр Үзәге”нең директоры А.Н.Кудрявцева катнашты.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

Легаль булмаган мәшгульлеккә каршы көрәш буенча Республика ведомствоара комиссиясенең һәм хезмәт хакы буенча срогы чыккан бурычларны формалаштыруга каршы көрәш буенча Республика ведомствоара комиссиясенең уртак утырышы

2025 елның 19 декабрендә Татарстан Республикасы Хезмәт, халыкны эш белән тәэмин итү һәм социаль яклау министрлыгында Татарстан Республикасы хезмәт, халыкны эш белән тәэмин итү һәм социаль яклау министрының беренче урынбасары Р.Ф.Вәлиуллов рәислегендә легаль булмаган эш белән тәэмин итүгә каршы тору буенча Республика ведомствоара комиссиясенең һәм хезмәт хакы буенча срогы чыккан бурычларны формалаштыруга каршы тору буенча республика ведомствоара комиссиясенең уртак утырышы узды. Утырышта хезмәт хакы буенча бурычларны түләүне тәэмин итү, рәсми булмаган мәшгульлекне киметү, хезмәт хакының билгеләнгән минималь күләменнән түбән булмаган дәрәҗәсен тәэмин итү мәсьәләләре каралды. Утырыш эшендә «ТР Икътисади һәм социаль тикшеренүләр үзәге» ДБУдан социология бүлеге башлыгы Казанцева Л.Ф. катнашты.

декабрь, 2025 ел

Мәдәният, мәгариф һәм тәрбия мәсьәләләре буенча ведомствоара эш төркеме утырышы

2025 елның 19 декабрендә Татарстан Республикасы Министрлар Кабинетында Татарстан Республикасы Премьер-министры урынбасары Л. Р.Фазлыева җитәкчелегендә мәдәният, мәгариф һәм тәрбия мәсьәләләре буенча ведомствоара эш төркеме утырышы булды. Утырышта түбәндәге мәсьәләләр каралды: Татарстан Республикасы Рәисе каршындагы мәдәният һәм сәнгать советы утырышы йомгаклары буенча Татарстан Республикасы Рәисе Р.н.Миңнехановның 24.04.2024 № ПР-85 йөкләмәләре исемлегенең 1.1.1 пунктын үтәү кысаларында мәдәният өлкәсендә фәнни тикшеренүләр үткәрү буенча «Татарстан Республикасын фәнни-технологик үстерү» Татарстан Республикасы дәүләт программасының ярдәмче программасын эшләү турында. Татарстан Республикасы Министрлар Кабинетының 17.12.2024 № 1156 карары белән расланган Татарстан Республикасы Рәисенең Татарстан Республикасы Дәүләт Советына 2025 елга Юлламасын гамәлгә ашыру буенча Татарстан Республикасы Хөкүмәтенең Комплекслы эш планы чараларының 245 пункты нигезендә комплекслы мәгърифәтчелек үзәкләре концепциясен эшләү турында. «Россия авторлык җәмгыяте» ҖЧҖ һәм «Бөтенроссия интеллектуаль милек оешмасы» ҖЧҖ белән музыкаль әсәрләргә хокуклар белән идарә итү һәм акча җыю турында килешү төзү турында. Утырыш эшендә «ТР Икътисади һәм социаль тикшеренүләр үзәге» ДБУдан икенче мәсьәлә буенча икътисадый планлаштыру һәм программалаштыру бүлеге башлыгы Г. Р. Шәйхетдинова катнашты һәм чыгыш ясады.

декабрь, 2025 ел

2025 елда Татарстан Республикасы берләштерелгән бюджетының көтелеп үтәлүе йомгаклары һәм 2026 елга республика финанс, казначылык һәм салым органнарының бурычлары буенча Татарстан Республикасы финанс министрлыгының, Татарстан Республикасы буенча Федераль салым хезмәте Идарәсенең, Татарстан Республикасы буенча Федераль казначылык идарәсенең уртак коллегиясе утырышы

2025 елның 18 декабрендә Татарстан Республикасы Министрлар Кабинетында Татарстан Республикасы Рәисе Р.Н. Миңнеханов рәислегендә Татарстан Республикасы финанс министрлыгының, Татарстан Республикасы буенча Федераль салым хезмәте Идарәсенең, Татарстан Республикасы буенча Федераль казначылык идарәсенең 2025 елда Татарстан Республикасы берләштерелгән бюджетының көтелгән үтәлеше йомгаклары һәм 2026 елга Татарстан Республикасы финанс, казначылык һәм салым органнарының бурычлары буенча уртак коллегиясе утырышы узды. Коллегия эшендә Россия Федерациясе Финанс министры А. Г.Силуанов, Федераль казначылык җитәкчесе Р. Е. Артюхин һәм Федераль салым хезмәте җитәкчесе урынбасары В. В. Бациев катнаштылар. Республиканың муниципаль районнары һәм шәһәр округлары башлыклары видеоконференцэлемтә режимында катнаштылар. Киңәшмәнең көн тәртибе кысаларында 2025 елда республика салым органнары эшенә йомгаклар һәм 2026 елга бурычлар турында Федераль салым хезмәтенең Татарстан Республикасы буенча идарәсе җитәкчесе М. А. Сафиуллин сөйләде. 2025 елга Татарстан Республикасы берләштерелгән бюджетын үтәүнең якынча йомгаклары, Татарстан Республикасы финанс системасы органнарының 2026 елга бурычлары турында Татарстан Республикасы Финанс министры М. Д. Фәйзрахманов чыгыш ясады. Федераль казначылыкның Татарстан Республикасы буенча идарәсенең 2025 елдагы эш йомгаклары, 2026 елга әлеге бурычлар турында Федераль казначылыкның Татарстан Республикасы буенча идарәсе җитәкчесе Нуриәхмәтов Р. Х. мәгълүмат бирде. «ТР Икътисади һәм социаль тикшеренүләр үзәге» ДБУдан коллегия эшендә директор А.Н.Кудрявцева катнашты.

Татарстан Республикасының бүленгән ситуация үзәген төзү һәм аның эшчәнлеге буенча эшче төркем киңәшмәсе

2025 елның 18 декабрендә Татарстан Республикасы Министрлар Кабинетында Татарстан Республикасы Премьер-министрының беренче урынбасары, эш төркеме җитәкчесе Р. К.Нигъмәтуллин җитәкчелегендә Татарстан Республикасының бүленгән ситуация үзәген төзү һәм эшләтеп җибәрү буенча эш төркеме киңәшмәсе узды. Киңәшмә барышында түбәндәге мәсьәләләр тыңланды һәм фикер алышынды: Эшче төркемнең 2025 елгы эшчәнлеге нәтиҗәләре турында. 2026 елның гыйнварына эш төркеменең төп чаралары планы чаралары турында. «ТР Икътисади һәм социаль тикшеренүләр үзәге» ДБУдан киңәшмә эшендә директор урынбасары Ч.Н. Гайзатуллина катнашты.

ЯҢАЛЫКЛАРГА ЯЗЫЛУ