Татарстан Республикасының бүленгән ситуацион Үзәген булдыру һәм аның эшләве буенча видеоконференцэлемтә режимында эш төркеме киңәшмәсе
2020 елның 27 августында видеоконференцэлемтә режимында Татарстан Республикасының бүленгән ситуацион Үзәген булдыру һәм эшләтү буенча эшче төркем киңәшмәсе узды.
Киңәшмә барышында түбәндәге мәсьәләләр каралды һәм тикшерелде:
Казан шәһәрендә комплекслы муниципаль геомәгълүмат системасын гамәлгә ашыру барышында «Ансер Про» җаваплылыгы чикләнгән җәмгыяте тарафыннан электрон карталарда күрсәтелә торган мәгълүматны эшкәртү һәм анализлау методларын куллану турында;
Россия Федерациясе Президентының «Россия Федерациясе субъектларының югары вазыйфаи затлары (дәүләт хакимиятенең югары башкарма органнары җитәкчеләре) эшчәнлегенең һәм Россия Федерациясе субъектларының башкарма хакимияте органнары эшчәнлегенең нәтиҗәлелеген бәяләү турында 2019 елның 25 апрелендәге 193 номерлы Указын гамәлгә ашыру кысаларында «әйләнә-тирәлекнең сыйфаты» Федераль күрсәткече буенча мәгълүмат әзерләү турында;
Татарстан Республикасының экологик белешмәләр фонды турында;
Татарстан Республикасы Министрлар Кабинетының «Муниципаль дәрәҗәгә (Алабуга һәм Яшел Үзән муниципаль районнары) беркетелгән Россия Федерациясе субъектларының югары вазыйфаи затлары эшчәнлегенең нәтиҗәлелеген бәяләүнең 15 күрсәткечен исәпләү тәртибе турында» 2007 ел, 29 нчы июль, 318 нче номерлы карары);
Татарстан Республикасы Министрлар Кабинетының «кече эшмәкәрлек субъектларына карамаган юридик затлар буенча» икътисадның бюджеттан тыш секторында югары җитештерүчәнлекле эш урыннары саны «күрсәткечен квартал саен исәпләүне һәм аны муниципаль районнар буенча исәпләп чыгаруны әзерләү турында» 2006 ел, 7 нче июнь, 294 нче номерлы карары;
«Уңайлы шәһәр мохите булган шәһәрләрнең өлеше» күрсәткечен исәпләү өчен мәгълүматлар җыю тәртибен билгеләү турында;
Нәтиҗәлелек индексын исәпкә алып, Татарстан Республикасы муниципаль берәмлекләренең электрон паспортларына ихтыяҗны анализлау турында;
«Ачык Татарстан» мәгълүмат порталында мәгълүмат ресурсларына ихтыяҗны анализлау һәм мәгълүматны «кулда» кертү процессларын оптимальләштерү турында;
«Юл картасы» чараларын һәм Татарстан Республикасының бүленгән ситуацион Үзәген булдыру һәм аның эшчәнлеге буенча эшче төркем киңәшмәләренең беркетмәләрен үтәү турында.
Киңәшмәдә ДБУ «Икътисади һәм социаль тикшеренүләр үзәге» ннән директор Кудрявцева А.Н., директор урынбасары Гайзатуллина Ч.Н., макроикътисади анализ бүлегенең баш белгече Пугачева Е. А. һәм әлеге бүлекнең әйдәп баручы белгече Мөбинова С. И. катнаштылар.