"Татарстан Республикасы муниципаль берәмлекләре советы" Ассоциациясе съезды

2025 елның 20 гыйнварында Г.Камал исемендәге Татар дәүләт академия театрының яңа бинасында Г.Камал театр бинасын ачу тантанасы һәм Татарстан Республикасы Мәдәният министрлыгының йомгаклау коллегиясе утырышы булды. Утырышта Татарстан Республикасы Рәисе Р.Н. Миңнеханов, Россия Федерациясе Мәдәният министры О. Б. Любимова, Россия Федерациясе Төзелеш һәм торак-коммуналь хуҗалык министры И. Э. Фәйзуллин, Россия театр эшлеклеләре берлеге рәисе, Россия Федерациясенең халык артисты В. Л. Машков, республика министрлыклары һәм ведомстволары, мәдәният һәм сәнгать учреждениеләре җитәкчеләре, шәһәр һәм район башлыклары һәм башка рәсми затлар катнашты. «2024 елда Татарстан Республикасы Мәдәният министрлыгы эшчәнлеге йомгаклары һәм 2025 елга бурычлар турында» доклад белән Татарстан Республикасы мәдәният министры И. Х. Әюпова чыгыш ясады. «ТР Икътисади һәм социаль тикшеренүләр үзәге» ДБУдан утырыш эшендә директор урынбасары Ч.Н. Гайзатуллина катнашты.

2025 елның 17 гыйнварында Татарстан Республикасы Премьер-министры урынбасары Л. Р. Фазлыева, «Татарстан Республикасы Муниципаль берәмлекләре Советы» Ассоциациясе рәисе Э. С. Гобәйдуллин, Россия чаңгы узышлары федерациясе президенты Е. В. Вяльбе катнашында «Татарстан Республикасы спорт министрлыгының 2024 елгы эшчәнлегенең төп йомгаклары һәм 2025 елга бурычлары турында» Татарстан Республикасы спорт министрлыгы коллегиясенең киңәйтелгән утырышы булды.  Хисап доклады белән Татарстан Республикасы спорт министры В. А. Леонов чыгыш ясады. «ТР Икътисади һәм социаль тикшеренүләр үзәге» ДБУдан коллегия эшендә директор урынбасары А. Б. Гревцов катнашты.

2025 елның 16 гыйнварында «ТР Икътисади һәм социаль тикшеренүләр үзәге» ДБУ директоры А. Н.Кудрявцева рәислегендә видеоконференцэлемтә режимында Татарстан Республикасының бүленгән ситуацион Үзәген булдыру һәм эшләтеп җибәрү буенча эшче төркемнең чираттагы киңәшмәсе узды. Киңәшмә барышында түбәндәге мәсьәләләр тыңланды һәм фикер алышынды: «Россия Федерациясе субъектларының югары вазыйфаи затлары эшчәнлеге нәтиҗәлелеген һәм Россия Федерациясе субъектларының башкарма хакимият органнары эшчәнлеген бәяләү турында» Россия Федерациясе Президентының 2024 елның 28 ноябрендәге 1014 номерлы Указы белән расланган югары вазыйфаи затлар эшчәнлеге нәтиҗәлелеген бәяләү күрсәткечләре буенча республика башкарма хакимият органнарының тыңлауларын үткәрү срокларын билгеләү хакында ; Татарстан Республикасы дәүләт идарәсен, мәгълүмати технологияләрне һәм элемтәне цифрлы үстерү министрлыгы әзерләгән Татарстан Республикасы норматив хокукый актлары проектларына аудит нәтиҗәләре, шулай ук аларның кирәклеген һәм актуальлеген билгеләү турында. «ТР Икътисади һәм социаль тикшеренүләр үзәге» ДБУдан киңәшмә эшендә шулай ук директор урынбасары Ч. Н. Гайзатуллина, макроикътисадый анализ бүлеге башлыгы Е. В. Баһаутдинова, икътисадый планлаштыру һәм программалаштыру бүлегенең баш белгечләре Г. Р. Шәйхетдинова һәм Э. Ф. Зиннурова катнаштылар.

2024 елның 26 декабрендә Татарстан Республикасы Хөкүмәте Йортында «ТР Икътисади һәм социаль тикшеренүләр үзәге» ДБУ директоры А. Н.Кудрявцева җитәкчелегендә Татарстан Республикасының бүленгән ситуация үзәген булдыру һәм эшләтеп җибәрү буенча эшче төркемнең чираттагы киңәшмәсе узды. Киңәшмә барышында республика башкарма хакимият органнарының «Россия Федерациясе субъектларының югары вазыйфаи затлары (дәүләт хакимиятенең югары башкарма органнары җитәкчеләре) эшчәнлеге нәтиҗәлелеген һәм Россия Федерациясе субъектларының башкарма хакимият органнары эшчәнлеген бәяләү турында» Россия Федерациясе Президентының 2021 елның 4 февралендәге 68 номерлы Указы белән билгеләнгән максатчан күрсәткечләргә ирешүләре турындагы мәгълүмат белән Татарстан Республикасы Икътисад министрының беренче урынбасары О. В. Пелевин чыгыш ясады. 2024 елда Татарстан Республикасының бүленгән ситуация үзәген төзү һәм эшләтеп җибәрү буенча эшче төркем киңәшмәләре беркетмәләренең үтәлеше турында Татарстан Республикасы Министрлар Кабинеты Аппаратының мобилизацион әзерлек һәм махсус программалар идарәсе башлыгы Р. Г. Ахунов сөйләде. «ТР Икътисади һәм социаль тикшеренүләр үзәге» ДБУдан киңәшмә эшендә шулай ук директор урынбасары Ч.Н. Гайзатуллина катнашты.