Социаль-хезмәт мөнәсәбәтләрен җайга салу буенча республика өчьяклы комиссиясе каршындагы Хезмәткә түләү, халыкның керемнәре һәм тормыш дәрәҗәсе буенча Координация советы утырышы

2026 елның 21, 23 һәм 24 апрелендә Татарстан Республикасы тарифлар буенча дәүләт комитетының су белән тәэмин итү, су агызу һәм җылылык белән тәэмин итү өлкәләрендә җайга салынулы оешмаларның финанс-хуҗалык эшчәнлеген карау буенча баланс комиссиясе утырышы булды. «ТР Икътисади һәм социаль тикшеренүләр үзәге» ДБУдан видеоконференцэлемтә режимындагы утырыш эшендә икътисадый планлаштыру һәм программалаштыру бүлеге башлыгы И. Р. Гаязов һәм икътисадый планлаштыру һәм программалаштыру бүлегенең баш белгече Э. Ф. Зиннурова катнаштылар.

2026 елның 23 апрелендә Татарстан Республикасы Хөкүмәте Йортында Татарстан Республикасы финанс, казначылык һәм салым органнарының 2026 елның I кварталында Татарстан Республикасы берләштерелгән бюджеты үтәлеше йомгаклары һәм Татарстан Республикасы финанс системасы органнарының 2026 елга бурычлары буенча республика киңәшмәсе узды. Барлык муниципаль берәмлекләрне тоташтырып видеоконференцэлемтә режимындагы киңәшмәне Татарстан Республикасы Рәисе Р.н. Миңнеханов уздырды. Федераль салым хезмәтенең Татарстан Республикасы буенча идарәсе җитәкчесе Сафиуллин М.Ә. үз чыгышында билгеләп үткәнчә, I кварталда салым керемнәре 335 млрд сум тәшкил иткән, 2025 елның гыйнвар-мартына 15% ка диярлек кимегән. Татарстан Республикасы Финанс министры М.Д. Фәйзрахманов үзенең докладында 2026 елның I кварталында Татарстан Республикасы берләштерелгән бюджетының керем өлешенә 135,4 млрд сум күләмендә салым һәм салым булмаган керемнәр керүен хәбәр итте, шул исәптән Татарстан Республикасы бюджетына - 115 млрд сум, җирле бюджетларга 20,4 млрд сум. кергән. Федераль казначылыкның Татарстан Республикасы буенча идарәсе башлыгы Нуриәхмәтов Р.Х. хәбәр иткәнчә, 2026 елның I кварталында барлык дәрәҗәдәге бюджетлар арасында керемнәрне бүлү вәкаләтләрен башкарганда Федераль казначылык органнары Татарстан Республикасы берләштерелгән бюджетына һәм Территориаль мәҗбүри медицина иминияте фондына 208 млрд сум яисә узган елга карата 99% күчергәннәр. «ТР Икътисади һәм социаль тикшеренүләр үзәге» ДБУдан киңәшмә эшендә директор А.Н. Кудрявцева катнашты.

2026 елның 8 апрелендә «ТР Икътисади һәм социаль тикшеренүләр үзәге» ДБУда директор А. Н.Кудрявцева җитәкчелегендә эшлекле киңәшмә узды, анда «Татарстан Республикасы процесслары белән идарә итү үзәге» ҖЧҖ генераль директоры Т.Р. Закиров социаль объектларны цифрлы мониторинглау һәм диспетчерлаштыру системасын күрсәтте. Нотыкчы хәбәр иткәнчә, система үзәкләштерелгән контроль һәм биналарның инженер системалары белән идарә итүгә, шулай ук штаттан тыш хәлләргә оператив җавап бирүгә юнәлдерелгән техник һәм программалы чишелешләр комплексыннан гыйбарәт. Система инженерлык системаларының эш параметрларын (температура, басым, көчәнеш, датчиклар эшләү, аварияләр) реаль вакытта терки. Мондый системалар мәктәпләрдә, хастаханәләрдә, спорт һәм мәдәният учреждениеләрендә, шулай ук башка социаль объектларда кулланыла. Презентация йомгаклары буенча докладчыга сораулар бирелде һәм системаның эше турында фикер алыштылар. Киңәшмә эшендә Татарстан Республикасы төзелеш, архитектура һәм торак-коммуналь хуҗалык министры урынбасары Абүбәкерова Э. Х. катнашты. «ТР Икътисади һәм социаль тикшеренүләр үзәге» ДБУдан директор урынбасары Гайзатуллина Ч.Н., учреждениеләрнең мәгълүматлар базасын администрирование бүлеге башлыгы Газетдинова Н.Р., социаль программалаштыру бүлеге башлыгы Грызунова Е. С., макроикътисадый анализ отелы башлыгы Баһаутдинова Е.В., челтәр технологияләре бүлеге башлыгы Кудрявцев Д. А., мәгълүмати технологияләр бүлеге башлыгы Макаров А.М., шулай ук «ТР Икътисади һәм социаль тикшеренүләр үзәге» ДБУ тармак бүлекләре белгечләре катнаштылар.