ЯҢАЛЫКЛАР
Бүген 2030 елга кадәр Татарстан Республикасын социаль-икътисадый үстерү стратегиясен гамәлгә ашыруның барышы турында стратегик сессия Татарстан Республикасы Хөкүмәте Йортында узды. Аның эшендә Татарстан Республикасы Президенты Рөстәм Миңнеханов катнашты.
«Татарстан-2030» стратегиясен гамәлгә ашыруның барышы турында төп нотык белән Татарстанның икътисад министры Артем Здунов чыгыш ясады.
«Стратегия-2030»да җыелма төбәк продуктын 1,8 мәртәбә арттыру буенча амбициоз бурыч куелган иде. Санкцияләр куллану режимы көчәюгә карамастан, республика икътисады «Стратегия-2030»ның төп варианты буенча планлаштырылган күрсәткечләрне үтәүне тәэмин итә. ҖТП үсешенең тупланган темпы бәяләүләр буенча 105,4 процент тәшкил итте», – диде министр.
Артем Здунов билгеләп үткәнчә, икътисад үсешенең төп драйверлары – нефть-газ химиясе, машина төзелеше һәм энергетика. Ул бизнес өчен МИЗ, ТОСЭР, сәнәгать мәйданчыклары һәм башкалар рәвешендәге гамәлдәге инфраструктураны атады. Аның сүзләренчә, бүгенгә 63 муниципаль сәнәгать мәйданчыгы эшли. 2020 елга бу санны 100гә кадәр җиткерү планлаштырылган.
Шуның белән бергә, авыл хуҗалыгы һәм азык-төлек сәнәгатенең республика икътисадына керткән өлеше 11 процент тәшкил итә. Быел рентабельлек дәрәҗәсе республика буенча уртача күрсәткечләрдә артып китә һәм 13,5 процент тәшкил итә.
Артем Здунов сәламәтлек саклау турында билгеләп үткәнчә, Татарстанда гомер озынлыгы 73,5 елдан артып китә, Стратегияне гамәлгә ашыру чорында барлыгы 173 сәламәтлек саклау объекты төзелгән.
Татарстан Республикасы икътисад министры хәбәр иткәнчә, Стратегияне гамәлгә ашыру чорында 408 км юл салынган һәм торгызылган, асфальт-бетон өслекле юллар белән республиканың 76 торак пункты тоташтырылган.
Күп кенә күрсәткечләр буенча уңай динамика булуга карамастан, ситуацияне үзгәртәсе урыннар бар әле. Аерым алганда, Кама инновацион территориаль-җитештерү кластеры («Иннокам»).
«Ситуацияне тамырдан үзгәртү өчен безнең министрлыкларның федераль министрлыклар, ведомстволар һәм үсеш институтлары белән килештерелгән эше таләп ителә», – дип белдерде Артем Здунов.
Татарстан Республикасы икътисад министры нотыгын тыңлаганнан соң, Рөстәм Миңнеханов ситуациягә карата үз карашын әйтеп үтте. Татарстан Президенты яшьләр потенциалын үстерүнең мөһимлеген ассызыклады. Мисал итеп Сочидагы «Сириус» мәгариф үзәген китерде.
Татарстан Президенты МИЗ идарәче компанияләренең вәкаләтләрен киңәйтү мәсьәләсенә аерым тукталды.
«Без мәйданчыкларыбызның һәм зоналарыбызның нәтиҗәлелеген арттырырга тиеш, – диде ул. – Шундый формаларның берсе – Төркия һәм Кытай коллегаларыбыз белән хезмәттәшлек».
Рөстәм Миңнеханов фикеренчә, «1119Программа»сын җентекләп карарга кирәк («Индустриаль парклар һәм технопарклар булдыруга субсидияләр алу хокукы булган федерация субъектларын сайлап алу турында» Россия Федерациясе Хөкүмәте карары). Татарстан Президенты бу мәсьәләне федераль үсеш стратегиясендә җентекләп язарга тәкъдим итте.
«Әгәр без инфраструктур һәм башка формалар белән бизнес-проектларга ярдәм итмәсәк, үзеннән-үзе бер нәрсә дә булмаячак», – диде ул.
Рөстәм Миңнеханов Иннополис резидентлары өчен салым преференцияләрен дә мөһим тема дип саный.
Татарстан Республикасы Президенты сүзләренчә, банк өлкәсе тулаем тотрыкланып килә, капитал алу мөмкинлеге генә кыен булып кала.
«Финанслар алу мөмкинлеге чикләнгән, – диде ул. – Бүген акчалар алу процедурасы шактый катлаулы. Шуңа күрә федераль стратегиядә бу хакта да язарга кирәк. Инвестицияләр булмаса, дүртенче дә, бишенче дә сәнәгать революциясе булмаячак».
Искәртәбез, 2030 елга кадәр Татарстан Республикасын социаль-икътисадый үстерү стратегиясе 2015 елда кабул ителгән иде
Бүген Казанда «Пирамида» КККда Эшкуарлык буенча Татарстан Республикасы Президенты каршындагы советның алтынчы киңәйтелгән утырышы узды.
Республиканың мунициципаль районнары территорияләрендә эшлекле климатны яхшырту программалары тәкъдир ителде, Татарстан районнарында эшлекле климатны һәм эшкуарлар активлыгын тикшерү нәтиҗәләре игълан ителде, бизнес өчен башка актуаль мәсьәләләр турында фикер алыштылар.
Татарстан Республикасы икътисад Министрлыгында кулланучы бәяләрнең динамикасын анализлау, Татарстан Республикасы товар базарларында бәя кую өчен сәбәпләрне һәм факторларны билгеләү буенча ведомствоара эшлекле төркем утырышы узды.
Утырышта катнашучылар гамәлдәге импортны алыштыру программасы кысаларында регионда инфляцияне тизләтүнең потенциаль куркынычлыгы һәм факторлары мәсьәләләре, Татарстан Республикасында уңыш җыю агымдагы вәзгыятен бәяләү һ.б. турында фикер алыштылар.
Киңәшмә эшендә ДБУ “Икътисади һәм социаль тикшеренүләр Үзәге”нең директор урынбасары, комиссия әгъзасы Ч.Н.Гайзатуллина катнашты.
Бүген Мөслим авылында “Татарстан Республикасы мәгариф системасының этномәдәни һәм тәрбия потенциалы” ТР мәгариф һәм фән хезмәткәрләренең август киңәшмәсе кысаларында муниципаль берәмлекләр башлыкларына мәктәп автобусы һәм җиңел автомобиль тапшыру тантанасы узды.
Рөстәм Миңнеханов ассызыклаганча, татарстан балалары иң яхшы белем алырга тиеш. " Иң мөһиме – белем алу. Безнең балалар, гомумән, район һәм республика сыйфатлы мәгариф аркасында гына, көндәшлелеккә ия булачак ".
Киңәшмә эшендә ДБУ “Икътисади һәм социаль тикшеренүләр Үзәге”нең директор урынбасары Р.М.Даутов катнашты.
2017 елның 7 августында Министрлар Кабинетында видеоконференция режимында Татарстан Республикасы хокук бозуларны профилактикалау буенча Татарстан Республикасы Хөкүмәт комиссиясе утырышы узды. Анда түбәндәге сораулар каралды:
- Транспорт объектларында хокук тәртибен һәм иминлекне тәэмин итүгә юнәлтелгән эш торышы буенча;
- Наркомания белән авыручылар санын кимүгә юнәлдерелгән чараларны активлаштыру турында;
- күчмә тикшерү буенча аерым муниципаль районнарында хокук бозуларны профилактикалау эшенең торышы нәтиҗәләре турында.
Киңәшмә эшендә ДБУ “Икътисади һәм социаль тикшеренүләр Үзәге”нең директоры А.Н.Кудрявцева катнашты.
Бүген ТР Хөкүмәте йортында Россия Саклык банкы венчур фондының идарәче партнеры Виктор Орловский лекция укыды. Лекция цифрлы икътисад үсеше, шулай ук хәзерге җәмгыятьнең яңа куллану модельләре мәсьәләләренә багышланган иде.
Лекцияне Татарстан Республикасы Президенты вазифаларын вакытлыча башкаручы Алексей Песошин, ТР премьер-министры урынбасары - ТРМинистрлар Кабинеты Аппараты җитәкчесе Шамил Гафаров, ТР вице-премьеры -ТР мәгълүматлаштыру һәм элемтә министры Роман Шәйхетдинов, республика министрлыклары һәм ведомстволары җитәкчеләре тыңлады.
Виктор Орловскийны сәламләп, Алексей Песошин Саклык банкының венчур фонды кыска вакыт эчендә Россия һәм шулай ук чит илләрнең профессиональ даирәләрендә киң танылды, дип ассызыклады.
“Фондның мәгълүмати-коммуникацион технологияләр өлкәсендә кызыклы һәм уңышлы гамәлгә ашырылган проектлары аз түгел”, - диде ул.
Лекция барышында Виктор Орловский Россия һәм дөньядагы цифрлы икътисад үсешенең төп этаплары, бу процессларның икътисади һәм социаль файдасы турында сөйләде.
Моннан тыш, лектор куллануның заманча модельләре темасына кагылды, аерым алганда, аларның күрсәкечләрен бәяләүнең яңа алымнары, файдалану юнәлешләре хакында сөйләде.
ТР Президенты матбугат хезмәте
Муниципаль берәмлекләр Советында Татарстан Республикасы Президенты Аппаратының Җитәкчесе урынбасары - территорияләр белән эшләү буенча Татарстан Республикасы Идарәсенең башлыгы И. М. Гарипов рәислегендә Татарстан Республикасы җирле үзидарә органнарының модельле структурасын эшләү буенча киңәшмә узды.
Киңәшмәдә ДБУ “Икътисади һәм социаль тикшеренүләр Үзәге”нең директоры А.Н.Кудрявцева катнашты.
Татарстан Республикасы финанс Министрлыгында узган киңәшмәдә 2018 елда дәүләт хезмәтләрен күрсәтүгә өчен кирәк булачак норматив финанс чыгымнары кабул итү өчен норматив хокукый актлар тикшерелде.
Киңәшмәдә ДБУ “Икътисади һәм социаль тикшеренүләр Үзәге”нең социаль программалаштыру бүлеге башлыгы Е. С. Грызунова катнашты.
Татарстан Республикасы Министрлар Кабинетында узган киңәшмәдә торак-коммуналь хезмәтләр өчен җепселләргә аерып түләү сораулары каралды.
Киңәшмә эшендә ДБУ “Икътисади һәм социаль тикшеренүләр Үзәге”нең директоры А.Н.Кудрявцева катнашты.
2018-2020 елларда Татарстан Республикасы буенча төп бурыч – балансланган бюджет булдыру, барлык социаль йөкләмәләрне үтәү һәм Россия Федерациясе Президентының «май указларын» гамәлгә ашыру.
Бүген бу хакта Татарстан Республикасы Президенты Рөстәм Миңнеханов Татарстан Республикасы финанс, казначылык һәм салым органнарының республика киңәшмәсендә хәбәр итте.
Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды, һәм ул 2017 елның беренче яртыеллыгында Татарстан Республикасы берләштерелгән бюджетын үтәүгә һәм 2017 елның азагына кадәр Татарстан Республикасы финанс, казначылык һәм салым органнарының бурычларына багышланды. Анда шулай ук Татарстан Республикасы Премьер-министры Алексей Песошин да катнашты.
2017 елның беренче яртыеллыгында Татарстан Республикасы берләштерелгән бюджетына, салым керемнәрен һәм салым булмаган керемнәрне исәпкә алып, 119 млрд. сум акча кергән. Федераль чараларны кертеп, Татарстан Республикасы берләштерелгән бюджетының керем өлеше – 130,5 млрд. сум, дип белдерде Рөстәм Миңнеханов.
Аның сүзләренчә, республиканың төп макроикътисадый күрсәткечләре әйбәт динамика күрсәтә, быелның 5 ае эчендә җыелма төбәк продукты (ҖТП) – 4%ка, сәнәгать җитештерүе индексы 3,4%ка арткан, төзелеш эшләре күләме былтыргыча калган. Ваклап сату әйләнеше шул чорда 2,3%ка арткан.
«Хәзер төп бурыч – беренче яртыеллык йомгаклары буенча ирешелгән уңай динамиканы саклап калу, икътисадны үстерү өчен барлык резервларны гамәлгә ашыру, бюджет килерен, шулай ук предприятиеләр эшчәнлеге нәтиҗәлелеген тәэмин итү», - диде Рөстәм Миңнеханов.
Ул игътибар таләп итә торган берничә мәсьәләне атады. Татарстан Республикасы Финанс министрлыгы күрсәткечләре буенча 500ләп эре сәнәгать предприятиесе беренче яртыеллыкта салымга табыш буенча түләүләрне якынча 7,8 млрд. сумга киметкән.
«Өченче кварталда кайбер компанияләр буенча шулай ук түләүләр кимү көтелә, - диде Татарстан Республикасы Президенты. – Бюджетка салым бурычы әһәмиятле резерв булып кала, ул 8,3 млрд. сум тәшкил итә, ел башына 121 млн. сумга артырга тиеш. Бу – салым органнарының, суд приставлары хезмәтенең, муниципалитетларның, ЭЭМ органнарының, прокуратураның җаваплылык зонасы».
Рөстәм Миңнеханов фикеренчә, чыгымнар өлешендә барлык типтагы дәүләт учреждениеләренең оптималь челтәрен формалаштыруга, норматив принцип буенча учреждениеләрне финанслау механизмнарын камилләштерүгә юнәлгән эшне дәвам итәргә кирәк.
Федераль чараларны куллануда барлык министрлыкларга һәм ведомстволарга федераль органнар белән финанслауның кирәкле күләмнәрен квартал саен җәлеп итү һәм аларны тулы күләмдә үзләштерү эшен оештыру мәгъкүль, дип саный Рөстәм Миңнеханов.
Һәр квартал йомгаклары буенча файдаланылмаган чаралар федераль бюджетка кире кайтарыла, дип искәртте Татарстан Республикасы Президенты һәм Татарстан Республикасы Финанс министрлыгына бу юнәлешне җитди рәвештә тикшереп торырга кушты.
«2017 елның беренче яртыелыгында салым органнарының эш йомгаклары һәм 2017 елның азагына кадәр бурычлары турында» нотык белән Татарстан Республикасы буенча Федераль салым хезмәте идарәсе җитәкчесе Марат Сафиуллин чыгыш ясады.
2017 елның беренче яртыелыгында Татарстан Республикасы берләштерелгән бюджеты үтәлеше һәм 2017 елның азагына кадәр финанс системасы бурычлары турында Татарстан Республикасы финанс министры Радик Гайзатуллин хәбәр итте.
Татарстан Республикасы буенча Федераль казначылык идарәсе җитәкчесе Рөстәм Нурмөхәммәтов 2017 елның беренче яртыелыгында Татарстан Республикасы буенча Федераль казначылык идарәсе эше турында сөйләде.
Киңәшмә азагында Татарстан Республикасы финанс министры Радик Гайзатуллин «Татарстан Республикасы алдындагы казанышлары өчен» ордены медале белән бүләкләнде.