ЯҢАЛЫКЛАР

Бүген Казанда Татарстан Республикасы Икътисад министрылыгы һәм Татарстан Республикасы Сәнәгать һәм сәүдә министрлыгы йомгак коллегияләренең уртак утырышы уздырылды. Чара «УНИКС» КФУ КСК мәйданчыгында узды һәм «Предприятиеләрне инновацион үстерү – Татарстан Республикасы икътисадының конкуренциягә сәләтен арттыру нигезе» темасына багышланды.

Уртак утырышта Татарстан Республикасы Президенты Рөстәм Миңнеханов катнашты.

Утырыш башланганчы Рөстәм Миңнеханов һәм аны озата йөрүче затлар   Татарстан Республикасы сәнәгать предприятиеләренең «УНИКС» КСК холлында тәкъдим ителгән экспозициясе белән таныштылар.

«2016 елда Татарстан Республикасын социаль-икътисадый үстерү йомгаклары турында»гы нотык белән Татарстан Республикасы икътисад министры Артем Здунов чыгыш ясады.

Татарстан Республикасы Министрлар Кабинетында спорт юнәлешендәге өстәмә белем бирү учреждениеләрендә шөгыльләнүче (балалар һәм яшүсмерләр спорт мәктәбе) балаларны автобусларда йортүне оештыру мәсьәләсе буенча  киңәшмә үтте.

Киңәшмәдә ДБУ “Икътисади һәм социаль тикшеренүләр Үзәге”нең директоры А.Н.Кудрявцева  катнашты.

Бүген Татарстан Республикасы Хөкүмәте Йортында Лондон бизнес мәктәбе (London Business School) профессоры Ричард Джолли «Хәзерге заман шартларында лидерлык» темасына лекция сөйләде. 

Чарада Татарстан Республикасы Президенты Рөстәм Миңнеханов, Татарстан Республикасы Дәүләт Советы Рәисе Фәрит Мөхәммәтшин, Татарстан Республикасы Премьер-министры Илдар Халиков, башкарма хакимияте органнары вәкилләре, Татарстан Республикасы Министрлар Кабинетының җаваплы хезмәткәрләре катнашты. 

Ричард Джолли хәзерге заман лидерлыгы үзенчәлекләрен билгеләп үтте, мисаллар китерде. Элек беренче урында кеше булса, киләчәктә система беренче урында торачак, диде ул, Фредерик Тейлорның «Фәнни идарә принциплары» китабыннан өзек тә китерде.

Лектор билгеләп үткәнчә, «лидерлык иерархияле түгел». Мисалга ул Махатма Ганди гыйбәрәсен китерде: «Дөнья үзгәрсен дисәң – үзең шул үзгәрешкә әверел».

Ричард Джолли коллективларда хезмәткәрләр һәм җитәкчеләр арасындагы мөнәсәбәтләр турында җентекләп сөйләде. 2005 елда уздырылган сорашып белүләр нәтиҗәсендә ачыкланганча, хезмәткәрләрнең 95%ы оешма стратегиясен белми яисә аңламый.

Лектор шулай ук белдергәнчә, лидерлык сыйфаты һәр буын саен үзгәреп тора. Ул үзенең Кытайга сәфәре турында сөйләде, хәзерге яшьләрнең теләкләре ата-аналарынныкыннан (үткән буыннан) аерылып тора. Яшьләр үсешкә омтыла, нәтиҗәдә нәрсәгә ирешәселәрен беләселәре килә, диде ул.   

Хәзерге заман лидерлыгы сәламәт амбицияләрне үстерүне күз алдында тота.  

Лекция азагында профессор сорауларга җавап бирде.   

Татарстан Республикасы Президенты Рөстәм Миңнеханов Ричард Джоллига чыгышы өчен рәхмәт белдерде һәм, лекция бик файдалы булды, диде. Сез кайбер моментларны бик әйбәт аңлаттыгыз, бездә булган хаталарны күрсәттегез, диде Рөстәм Миңнеханов. 

Үз чиратында Ричард Джолли билгеләп үткәнчә, ул кемгәдер акыл өйрәтер өчен килмәгән, ә тәҗрибә алмашу өчен килгән. Мин лидер булырга теләгәннәргә сокланам, диде ул.   

Искәртәбез, бүген Казанга сәфәре кысаларында Ричард Джолли Казан федераль университетына да барачак.

Татарстан Республикасы Министрлар Кабинетында Татарстан Республикасында хезмәткә сәләтле халыкның сәламәтлеген саклауны җайга салу өчен дәүләт чараларын булдыру программасы буенча проект офисының хезмәт группасы утырышы булып узды.

Татарстан Республикасы сәламәтлек саклау министры А. Ю. Вафин  “Эшләүче гражданнарның сәламәтлеген саклау:  сәнәгать медицинасы буенча пилот”проектын тәкъдир итте.

Утырышта ДБУ “Икътисади һәм социаль тикшеренүләр Үзәге”нең директоры А.Н.Кудрявцева  катнашты.

Татарстан Республикасы Мәгариф һәм фән министрлыгында гаилә балалар бакчалары эшчәнлеге мәсьәләсе буенча киңәшмә булды.

Киңәшмәдә социаль программалаштыру бүлегенең мәгариф өлкәсендәге мәсьәләләрне программалаштыру секторы мөдире И.Р.Хәбибуллин катнашты.

2016 елның 11 аенда уртача хезмәт хакы республикада предприятиеләрдә, кече эшмәкәрлекне дә кертеп, 29,7мең сум тәшкил итте, ул алдагы елның шул чоры белән чагыштырганда 5%ка арткан. Шулай ук 2016 елның икенче яртыеллыгында хезмәт җитештерүчәнлегенең артуы күзәтелде. Моның турында  үзенең төп докладында ТР Хезмәт, мәшгульлек һәм социаль яклау министры Эльмира Зарипова җитәкчелек итә торган министрлыгының нәтиҗәле коллегиясендә  хәбәр итте.

Коллегия эшендә Татарстан Республикасы Премьер-министры Илдар Халиков катнашты.

Хөкүмәт башлыгы сүзләренчә, үз вакытында күреп алып, үз вакытында карарлар кабул итү республика шәһәр һәм районнарында гадәттән тыш хәлләрне булдырмый калды.

Бүген Россиядә һәм БДБ илләрендә Boeing компаниясе президенты Сергей Кравченко Татарстан Республикасы Хөкүмәте Йортында модернизациягә һәм инновацияләргә нәтиҗәле идарә турында лекция укыды.

Чарада шулай ук Татарстан Республикасы Президенты Рөстәм Миңнеханов, Татарстан Республикасы Премьер-министры Илдар Халиков, Татарстан Республикасы Дәүләт Советы Рәисе Фәрит Мөхәммәтшин, Татарстан Республикасы Президенты, Татарстан Республикасы Министрлар Кабинеты аппратлары вәкилләре һәм башкалар катнашты.

Чараны ачып, Татарстан Республикасы Президенты Рөстәм Миңнеханов искәрткәнчә, республикада уңышлы компанияләрнең топ-менеджерларын чакырып, гавами лекцияләр оештыру практикасы бар, бу чакта аларның алдынгы җитештерү тәҗрибәсе белән, инновацияләрне гамәлгә кертү һәм лидерлык потенциалы булган югары квалификацияле кадрлар әзерләү тәҗрибәсе белән танышырга мөмкин.

Татарстанның һәм Boeing компаниясенең зур хезмәттәшлек тарихы бар, диде Рөстәм Миңнеханов, һәм бу хезмәттәшлекне дәвам итәргә кирәк.  

Лекция барышында Россиядә һәм БДБ илләрендә Boeing компаниясе президенты Сергей Кравченко компания тарихы һәм аның казанышлары турында кыскача гына сөйләде.  

Бүгенгә компания штатында АКШта һәм башка 65 илдә якынча 170 мең хезмәткәр санала. Шулардан Россиядә 1500ләп инженер эшли. 

Сергей Кравченко лекциясендә өч теманы күтәрде – модернизациягә идарә, инновацияләргә идарә, кешеләргә идарә һәм лидерлар әзерләү.

Ул Lean системасын – сак җитештерүне куллану турында җентекләп сөйләде.

Лекция азагында Сергей Кравченко сорауларга җавап бирде.

Татарстан Республикасында 2017 ел башланганнан бирле төзелештә хезмәтне саклау өлкәсендә Дәүләт торак күзәтчелеге инспекциясе һәм Дәүләт хезмәт инспекциясе тарафыннан 17 тикшерү уздырылган. Хезмәтне саклау кагыйдәләрен һәм нормаларын бозган өчен 64 мең сумга ике карар чыгарылган. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте.  

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Анда шулай ук Татарстан Республикасы Премьер-министрының беренче урынбасары Алексей Песошин та катнашты. 

2017 елның 20 гыйнварына 180,4 мең кв. м. торак файдалануга тапшырылган, бу планның 7,5%ын тәшкил итә, үткән елның шул чорына карата 106 %. Ел башланганнан бирле торак төзелеш программасын гамәлгә ашыру эше Татарстан Республикасының барлык муниципаль берәмлекләрендә дә башланган.

Социаль ипотека программасы буенча төзелүче объектлардан 89 объект әзер диярлек; уртача әзерлектә – 45 объект; 66 объектта эшләр бик күп әле.

2017 елда ятим балаларны һәм ата-ана каравыннан мәхрүм калган балаларны торак белән тәэмин итү кысаларында 305 ятим балага 346 млн. 742,6 мең сумлык торак урыннарын яллау шартнамәләре буенча торак бирү планлаштырылган.  

2017 елга бюджет акчалары кысаларында аерым категория гражданнарның торак шартларын яхшырту буенча 5 һәм аннан да күбрәк баласы булган 49 гаиләне торак белән тәэмин итү каралган; 50 яшь гаиләгә – 2015-2020 елларга «Торак» ФМП буенча, торак шартларын яхшырту федераль законнар белән гарантияләнгән 49 гражданга – 2015-2020 елларга «Торак» ФМП буенча.

Аз катлы төзелеш программасы буенча (шул исәптән индивидуаль торак төзелеше) 8 800 йортны файдалануга тапшырырга ниятлиләр, 566 йорт

Авыл клубларын төзү программасы буенча 20 гыйнварга эшләр 31 объектның 5сендә оештырылган.

Киңәшмә барышында Рөстәм Миңнехановка кайбер мунициципаль районнарда республика программаларын гамәлгә ашыру кысаларында объектлар өчен җир кишәрлекләре бирү буенча проблемалар бар дип хәбәр ителде.

Татарстан Президенты белдергәнчә: республика программаларын гамәлгә ашыруга комачаулаучылар кискен җәзаларын алачаклар. «Бу ситуациядә  салынган финанс чараларын анда объектлар төзелсен өчен башка мунициципаль районнарга да җибәрергә мөмкин бит, әмма сезнең районнарда да кешеләр яши бит», - диде Рөстәм Миңнеханов.

Җыелышта ДБУ “Икътисади һәм социаль тикшеренүләр Үзәге”нең директоры А.Н.Кудрявцева катнашты.

Татарстан Республикасы Президентының беренче урынбасары А.В.Песошин  җитәкчелегендә Татарстан Республикасының Ситуацион үзәген оештыру буенча Татарстан Республикасы Министрлар Кабинетында җыелыш булып узды.

Җыелышта ДБУ “Икътисади һәм социаль тикшеренүләр Үзәге”нең директоры А.Н.Кудрявцева, директор урынбасары Ч.Н.Гайзатуллина һәм  макроикътисади анализлау бүлегенең җитәкчесе Е.В.Багаутдинова катнаштылар.

ДБУ “Икътисади һәм социаль тикшеренүләр Үзәге”ндә Фәнни-координацион советының  йомгаклау утырышы узды.

Икътисади планлаштыру һәм программалаштыру бүлегенең мөдире С.А.Рубцова авыл хуҗалыгы продукциясен импортны алыштыру  максатлары белән   финанс ресурсларын оптималь бүлү моделе турында сөйләде.

Россия Федерациясендә һәм Татарстан Республикасында законнар чыгару өлкәсендәге соңгы үзгәрешләр турында ДБУ "Икътисади һәм социаль тикшеренүләр үзәге"нең директор урынбасары Р. М. Даутов хәбәр итте.

Икътисад яңалыкларын учрежденияләр мәгълүматлар базасын администрацияләү бүлегенең әйдәүче белгече О.В. Максимушкина китерде.