2027 елга Татарстан Республикасы Рәисенең Татарстан Республикасы Дәүләт Советына Юлламасы проектын әзерләү буенча киңәшмә

2026 елның 11 сентябрендә Татарстан Республикасы Министрлар Кабинеты бинасында Татарстан Республикасы Премьер – министры урынбасары-Татарстан Республикасы Министрлар Кабинеты Аппараты Җитәкчесе Ш. Х.Гафаров рәислегендә тугызынчы чакырылыш (2026 елның 18-20 сентябре) Россия Федерациясе Дәүләт Думасына депутатлар сайлауларын уздыру кысаларында оештыру чаралары мәсьәләләре буенча киңәшмә узды. Киңәшмәгә республика министрлыклары һәм ведомстволары җитәкчеләренең сайлауларны уздыру кысаларындагы оештыру чаралары өчен җаваплы урынбасарлары чакырылган иде. Төп доклад белән Татарстан Республикасы Рәисе Администрациясе җитәкчесенең беренче урынбасары - Татарстан Республикасы Рәисе Территорияләр белән эшләү идарәсе башлыгы И.М. Гарипов чыгыш ясады, ул киңәшмәдә катнашучыларны сайлауларны үткәрү кагыйдәләре һәм аларда катнашу тәртибе белән таныштырды. «ТР Икътисади һәм социаль тикшеренүләр үзәге» ДБУдан киңәшмә эшендә директор урынбасары Ч.Н. Гайзатуллина катнашты.

2026 елның 9 сентябрендә Татарстан Республикасы Хөкүмәте Йортында 2027-2029 елларга Татарстан Республикасы социаль-икътисадый үсешен фаразлауның, 2027 елга, 2028 һәм 2029 еллар план чорына Татарстан Республикасы берләштерелгән бюджетын фаразлауның һәм 2027 елга һәм план чорына Татарстан Республикасы территориаль мәҗбүри медицина иминияте фонды бюджеты проектының төп параметрларын карау буенча Татарстан Республикасы Министрлар Кабинеты утырышы узды.  Утырыш эшендә Татарстан Республикасы Рәисе Миңнеханов Р. Н., Татарстан Республикасы Дәүләт Советы Рәисе вазыйфаларын башкаручы Әхмәтов М. Г., Татарстан Республикасы Дәүләт Советының мактаулы рәисе Мөхәммәтшин Ф.Х., Татарстан Республикасы Хөкүмәте вәкилләре, министрлыклар һәм ведомстволар җитәкчеләре, шәһәрләр һәм районнар башлыклары катнаштылар. Утырыш эшендә «ТР Икътисади һәм социаль тикшеренүләр үзәге» ДБУдан директор А.Н. Кудрявцева катнашты.

2026 елның 24 августында Бәшир Рамеев исемендәге ИТ-паркта Татарстан Республикасы Дәүләт Советы Рәисе вазыйфаларын башкаручы М.Г. Әхмәтов катнашында «Көч бердәмлектә» Татарстан Республикасы гражданнар форумы узды. Чара Татарстан Республикасы Иҗтимагый палатасы тарафыннан халыкларның бердәмлеген, традицион кыйммәтләрне, ватанпәрвәрлекне һәм гражданлыкны ныгыту максатларында оештырылды һәм үткәрелде. Форум эшендә хакимият органнары, бизнес һәм киң җәмәгатьчелек вәкилләре, шул исәптән коммерциячел булмаган, дини һәм этномәдәни оешмалар, иҗтимагый советлар вәкилләре, МХО катнашучылары һәм волонтерлар катнашты. Төп доклад белән Татарстан Республикасы Премьер-министры урынбасары, Татарстан Республикасы Рәисе каршындагы гражданнарның тормыш сыйфатын арттыру мәсьәләләре Советы Рәисе урынбасары Л.Р. Фазлыева «Кешеләрнең тормыш сыйфатының югары дәрәҗәсенә өстенлек» темасына чыгыш ясады. Өстәмә докладчы - Татарстан Республикасы Иҗтимагый палатасы рәисе А.М. Терентьев «Иҗтимагый активлык һәм гражданлык җәмгыяте» темасын яктыртты. Форумда шулай ук генерал-полковник, Россия Герое А.П. Лапин, Азнакай муниципаль районы башлыгы М.З. Шәйдуллин, Казан һәм Татарстан митрополиты Кирилл, Татарстан Республикасы мөфтие урынбасары Р. А. Хәмидуллин һәм башкалар чыгыш ясады. «ТР Икътисади һәм социаль тикшеренүләр үзәге» ДБУдан форум эшендә директор урынбасары Ч.Н.Гайзатуллина катнашты.