ЯҢАЛЫКЛАР
2023 елның 1 июнендә Татарстан Республикасы Икътисад министрлыгында видеоконференцэлемтә режимында Татарстан Республикасы икътисадының тотрыклы үсешен тәэмин итү буенча республика чаралар планын гамәлгә ашыру буенча эшче төркемнең чираттагы утырышы узды.
Утырышта министрлыклар, ведомстволар, федераль хакимият органнарының территориаль органнары, Татарстан Республикасы муниципаль берәмлекләре вәкилләре катнашты.
Утырыш кысаларында түбәндәге мәсьәләләр каралды һәм тикшерелде:
Татарстан Республикасының социаль-икътисадый үсеш фаразын формалаштыру турында.
Татарстан Республикасында социаль-икътисадый тотрыклылыкны тәэмин итү буенча оператив штаб утырышының 16.05.2023 № ПР-107 беркетмәсенең 2 пунктын үтәү турында.
Экспортка юнәлдерелгән МСПга ярдәм итү буенча күрелә торган чаралар турында.
Утырыш эшендә региональ сәясәт бүлегенең баш белгече Шишко А. А. һәмикътисади планлаштыру һәм программалаштыру бүлегенең алып баручы белегече Зиннурова Э.Ф. катнаштылар.
2023 елның 25 маенда Татарстан Республикасы Министрлар Кабинетында «2022/2023 елгы ягулык чорында Татарстан Республикасы ягулык-энергетика һәм торак-коммуналь комплекслары оешмаларының эш йомгаклары һәм 2023/2024 елгы ягулык чорына әзерлек буенча бурычлар турында» Татарстан Республикасы Министрлар Кабинеты утырышы узды.
Муниципаль берәмлекләр башлыклары, Башкарма комитет җитәкчеләре, республиканың торак-коммуналь комплексы предприятиеләре, оешмалары вәкилләре видеоконференцэлемтә режимында катнаштылар.
Утырыш барышында докладлар белән Татарстан Республикасы төзелеш, архитектура һәм торак-коммуналь хуҗалык министры Айзатуллин М. М., экологик, технологик һәм атом күзәтчелеге буенча федераль хезмәтнең Идел буе идарәсе җитәкчесе Мөбарәкшин А. Ф., «Татэнерго» АҖ генераль директоры Хаҗиев Р.М., «Сетевая компания» АҖ генераль директоры Фәрдиев И. Х. чыгыш ясадылар.
Питрәч муниципаль районы башлыгы И. М. Кашапов җылыту чоры нәтиҗәләре һәм чираттагы җылыту чорына әзерлек планнары турында сөйләде.
Татарстан Рәисенең чыгышында, тулаем алганда, республиканың торак-коммуналь комплексы системасы ышанычлы эшли, һәм киләсе җылыту сезоны республикада тотрыклы узсын өчен бар көчне кую мөһим, дип билгеләп үтте.
Утырыш эшендә директор А.Н. Кудрявцева катнашты.
2023 елның 23 маенда Татарстан Республикасы Министрлар Кабинетында Татарстан Республикасы Премьер-министры урынбасары Л.Р. Фазлыева рәислегендә республиканың кызыксынган министрлыклары һәм ведомстволары җитәкчеләре катнашында балалар һәм яшьләрнең ялын оештыру буенча ведомствоара комиссия утырышы узды.
Утырышта катнашучыларның повестка белән билгеләнгән тема буенча хәбәрләре тыңланды һәм тикшерелде.
Утырыш эшендә «ЦЭСИ РТ» ДБУ дан социология бүлеге башлыгы Казанцева Л.Ф. катнашты.
2023 елның 17 маенда Татарстан Республикасы Министрлар Кабинетында Татарстан Республикасы Премьер-министры урынбасары Л.Р. Фазлыева рәислегендә республиканың кызыксынган министрлыклары һәм ведомстволары җитәкчеләре катнашында Татарстан Республикасында археография һәм чыганаклар белеме үзәген булдыру мәсьәләсе буенча киңәшмә узды.
Киңәшмәдә катнашучыларның повестка белән билгеләнгән тема буенча хәбәрләре тыңланды һәм тикшерелде.
Киңәшмә эшендә директор А.Н. Кудрявцева катнашты һәм чыгыш ясады.
2023 елның 24 апреленнән 2023 елның 26 апреленә кадәр Татарстан Республикасы Дәүләт Советы, «Икътисади һәм социаль тикшеренүләр үзәге» ДБУ, «Татарстан Республикасы муниципаль берәмлекләр советы» ассоциациясе белгечләре составында Татарстан Республикасы Дәүләт Советының Дәүләт төзелеше һәм җирле үзидарә комитеты рәисе Хәбибуллин А.Г. җитәкчелегендәге Татарстан Республикасы делегациясе җирле үзидарә органнары эшчәнлеген оештыру өлешендә закон чыгару органы эше белән танышу максатыннан Түбән Новгород өлкәсенең Закон чыгару җыелышында булды.
Күрешү кысаларында белгечләр Түбән Новгород өлкәсенең бер дәрәҗәле җирле үзидарә системасына күчүне җайга салучы норматив хокукый актлары, Түбән Новгород өлкәсе Закон чыгару Җыелышы комитетлары эшчәнлеге, шулай ук Сергач һәм Бутурлы муниципаль округларында җирле үзидарә оештыру, Түбән Новгород өлкәсендә инициативалы бюджетлаштыруны гамәлгә ашыру һәм Түбән Новгород шәһәрендә иҗтимагый үзидарәләрнең территориаль органнары эше белән таныштылар.
Чарада ДБУ «Икътисади һәм социаль тикшеренүләр үзәге» ннән төбәк сәясәте бүлеге башлыгы Л. И. Мулукова катнашты.
2023 елның 27 апрелендә Татарстан Республикасы Министрлар Кабинетында Татарстан Республикасы Рәисе Р.Н.Миңнеханов рәислегендә «2023 елның I кварталында Татарстан Республикасының берләштерелгән бюджеты үтәлеше йомгаклары һәм 2023 елга финанс системасы органнарының бурычлары турында» Татарстан Республикасы финанс, казначылык һәм салым органнарының республика киңәшмәсе узды.
Республика муниципаль районнары һәм шәһәр округлары башлыклары видеоконференцэлемтә режимында катнаштылар.
Киңәшмәнең көн тәртибендә республика салым органнарының 2023 елның I кварталындагы эш йомгаклары һәм 2023 елга бурычлары турында Татарстан Республикасы буенча Федераль салым хезмәте идарәсе җитәкчесе М. А. Сафиуллин хәбәр итте.
2023 елның I кварталында Татарстан Республикасының консолидацияләнгән бюджеты үтәлеше йомгаклары һәм Татарстан Республикасы финанс системасы органнарының 2023 елга бурычлары турында Татарстан Республикасы Финанс министры Р. Р. Гайзатуллин хәбәр итте.
Федераль казначылыкның Татарстан Республикасы буенча идарәсенең 2023 елның I кварталындагы эш йомгаклары һәм 2023 елга бурычлары турында Федераль казначылыкның Татарстан Республикасы буенча идарәсе җитәкчесе Р. Х. Нуриәхмәтов хәбәр итте.
Йомгаклау чыгышында Р. Н.Миңнеханов Татарстан җитештерүчеләренә хәзерге шартларда ярдәм итүнең мөһимлеген билгеләде һәм тармак министрлыкларына бюджетка түләүләр белән проблемалары булган предприятиеләр белән даими рәвештә баланс комиссияләре үткәрергә, бизнес проблемаларын өйрәнергә һәм аңа ярдәм итү чараларыннан максималь файдаланырга кушты.
Коллегия эшендә «ТР ЦЭСИ» ДБУдан директор А.Н. Кудрявцева катнашты.
2023 елның 26 апрелендә Казан (Идел буе) федераль университетында «Төбәк белән нәтиҗәле идарә итү» программасының беренче модулен гамәлгә ашыру кысаларында проект төркемнәре белән эксперт сессияләре узды.
Сессияләрдә катнашучыларның тәкъдим ителгән проектлар буенча хәбәрләре тыңланды һәм тикшерелде.
“Икътисади һәм социаль тикшеренүләр үзәге” ДБУдан сессия эшендә спикер сыйфатында директор А.Н. Кудрявцева катнашты.
2023 елның 20 апрелендә алтынчы чакырылыш Татарстан Республикасы Дәүләт Советының кырык өченче утырышы узды.
Сессия эшендә республика Хөкүмәте әгъзалары һәм чакырылганнар катнашты.
Татарстан Республикасы Дәүләт Советы утырышында Татарстан Республикасы Министрлар Кабинетының 2022 ел эшчәнлеге нәтиҗәләре турында хисап каралды. Бу мәсьәлә буенча төп доклад белән республика Премьер-министры А. В. Песошин чыгыш ясады.
Икътисад, инвестицияләр һәм эшкуарлык комитеты рәисе Л. Н.Шәфигуллин Дәүләт Советына комитетның агымдагы чакырылыштагы эшчәнлеге турында хисап тапшырды.
Татарстан Республикасы Иҗтимагый палатасы рәисе ВәлиеваЗ.Р. «2022 елда Татарстан Республикасында гражданлык җәмгыяте институтларының торышы һәм үсеше турында» доклады белән чыгыш ясады.
Утырышта шулай ук көн тәртибендәге башка мәсьәләләр дә каралды һәм тикшерелде.
Утырыш эшендә директор А.Н. Кудрявцева катнашты.
2023 елның 20 апрелендә “Икътисади һәм социаль тикшеренүләр үзәге” ДБУ директоры А. Н.Кудрявцева җитәкчелегендә видеоконференцэлемтә режимында Татарстан Республикасының бүленгән ситуация үзәген булдыру һәм эшләве буенча эшче төркемнең чираттагы киңәшмәсе узды.
Киңәшмә барышында түбәндәге сораулар тыңланды һәм тикшерелде:
Россия Федерациясе субъектлары эшчәнлеген бәяләү буенча федераль дәрәҗәдә булган рейтинглар турында.
Татарстан Республикасы Премьер - министрының беренче урынбасары Р.К. Нигъмәтуллинны, Татарстан Республикасы Премьер-министры урынбасары-Татарстан Республикасы Министрлар Кабинеты Аппараты Җитәкчесе Ш. Х. Гафаровны тармак идарәсе системалары концепциясе проекты һәм соңыннан эшче төркем җитәкчесе урынбасары - Татарстан Республикасы Премьер-министрының беренче урынбасары Р. К. Нигъмәтуллинны карауга кертү турында.
Курирлык итә торган өлкәдә барлык хуҗалык итүче субъектларның, шул исәптән статотчетлылык субъектлары булмаганнарның фән һәм инновацияләр өлкәсендәге эшчәнлеге турында мәгълүмат мониторингы системасы буенча тәкъдимнәр турында.
РФ субъектларының фәнни-технологик үсеше милли рейтингының 33 күрсәткече һәм РФ субъектларында инвестицион климат торышының милли рейтингының 57 күрсәткече, аларның база һәм фаразлана торган кыйммәтләре, шулай ук исәпләү алгоритмнары кысаларында рейтинг күрсәткечләрен формалаштыруга методик алымнарны үзгәртү буенча Россия Федерациясе Мәгариф һәм фән министрлыгына тәкъдимнәр тәкъдим итү турында.
Татарстан Республикасы Авыл хуҗалыгы һәм азык-төлек министрлыгы тарафыннан тармак предприятиеләренең ОКВЭД белән йомгаклау белешмәсенә кертелмәгән инновация дәрәҗәсен анализлау буенча үткәрелгән эш турында.
2-фән һәм 4-инновация формалары буенча статистик хисапларны тутыру мәсьәләсе буенча Татарстан Республикасы сәнәгать һәм сәүдә министрлыгы вәкилен тыңлау.
Киңәшмә эшендә макроикътисади анализ бүлеге башлыгы Е. В. Баһаутдинова, макроикътисади анализ бүлегенең баш белгече С. И. Мөбинова һәм икътисади планлаштыру һәм программалаштыру бүлегенең әйдәп баручы белгече Э. Ф. Зиннурова катнаштылар.
2023 елның 19 апрелендә Татарстан Республикасы Министрлар Кабинетында Татарстан Республикасы Премьер-министры урынбасары – Татарстан Республикасы Министрлар Кабинеты Аппараты Җитәкчесе Ш. Х.Гафаров җитәкчелегендә республиканың кызыксынган министрлыклары һәм ведомстволары җитәкчеләре катнашында республика башкарма хакимият органнарына һәм Татарстан Республикасы муниципаль берәмлекләренең җирле үзидарә органнарына буйсынучы оешмаларны оптимальләштерү, шулай ук республика башкарма хакимият органнарында бердәм штат расписаниесен формалаштыру мәсьәләсе буенча киңәшмә узды.
«ТР ЦЭСИ» ДБУ директоры А.Н. Кудрявцева киңәшмә эшендә катнашты һәм «Татарстан Республикасы дәүләт хакимияте башкарма органнарына һәм Татарстан Республикасы җирле үзидарә органнарына буйсынучы оешмаларны инфраструктуралы оптимальләштерү турында» һәм «Бердәм штат расписаниесен формалаштыру өлешендә Татарстан Республикасы дәүләт хакимияте башкарма органнары структурасы стандартына төзәтмәләр кертү турында» докладлар белән чыгыш ясады.