ЯҢАЛЫКЛАР
Татарстан Республикасы хакимият органнарына хезмәт күрсәтү өчен арендлы транспортны файдалану мөмкинлекләрен Татарстан Республикасы Хөкүмәте Йортында узган җыелышта карап киттеләр.
Исегезгә төшерик: АКШка эшлекле сәфәр кысаларында Татарстан Республикасы Президенты Р.Н.Миңнеханов такси яки шәхси йөртүчеләрне эзләү, чакыру һәм түләү өчен мобиль кушымтаны эшләп чыгарган “UBER” халыкара компаниясендә булды һәм Казанда шәһәр транспорт системасын бушату максаты белән бюджет учреждениеләренә корпоратив хезмәт күрсәтү буенча сынау проектын башлап җибәрергә кушты.
Җыелышта ДБУ “Икътисади һәм социаль тикшеренүләр Үзәге”нең директоры А.Н.Кудрявцева катнашты.
Татарстан Республикасы икътисадының киләчәк үсеше квалификацияле кадрлардан, формалаштырылган һәм өлгергән хезмәт базарыннан башка мөмкин түгел. Бүген бу хакта Татарстан Республикасы Президенты Рөстәм Миңнеханов Татарстан Республикасы Министрлар Кабинеты каршындагы Икътисадый совет утырышында хәбәр итте.
Утырыш Татарстанда хезмәт базарының үсешенә багышланды һәм республиканың барлык мунициципаль районнары белән видеоконференцэлемтә режимында уздырылды.
Татарстан Республикасының җирле үзидарәләрен дәүләти күзәтү алып баручы Татарстан Республикасының башкарма хакимият органнарының һәм территориаль федераль органнарының башкарма хакимиятенең үзара тәэсир итешүен оештыру буенча ведомствоара комиссиясенең утырышы булып узды.
Утырыш эшендә ДБУ “Икътисади һәм социаль тикшеренүләр Үзәге”нең директоры, ведомствоара комиссиясенең әгъзасы А.Н.Кудрявцева катнашты.
Координация советының рәисе, Татарстан Республикасының Президенты ярдәмчесе Р.Ф.Муратов җитәкчелегендә Казан милли тикшеренү технология университетында (КМТТУ) Координация советының чираттагы утырышы узды.
Утырышта катнашучылар Алабуга политехник колледжының эшче кадрлар әзерләү тәҗрибәсе, Татарстан Республикасында сәнәгый үсешне кадрлар белән тәэмин итү Стандартын кертү һәм фәнни - белем бирү кластерының яңа бурычлары белән таныштылар.
Территориаль аерымланган "Иннокам" инновацион – җитештерү үзәген булдыру Концепциясен тормышка ашыру турында доклад тәкъдим ителде.
Утырыш эшендә ДБУ “Икътисади һәм социаль тикшеренүләр Үзәге”нең директоры А.Н.Кудрявцева, технологияләр белән идарә итү һәм белем бирү программалары бүлегенең баш белгече Г.Э.Сөләймәнова катнаштылар.
Бүген бишенче чакырылыш Татарстан Республикасы Дәүләт Советының 22 нче утырышы уздырылды. Утырышта Татарстан Республикасы Президенты Рөстәм Миңнеханов катнашты.
Көн тәртибендәге мәсьәләләр арасында депутатларның күпчелек тавышы белән «2017 елга һәм 2018-2019 еллар план чорына Татарстан Республикасы бюджеты» законы проекты беренче укылышта кабул ителде.
Татарстанның социаль-икътисадый үсеше фаразы белән Татарстан Республикасы икътисад министры Артем Здунов чыгыш ясады. 2017 елга Татарстан Республикасы бюджеты проекты белән Татарстан Республикасы финанс министры Радик Гайзатуллин таныштырды.
Радик Гайзатуллин билгеләп үткәнчә, киләсе елда республика бюджеты күләме 166 млрд. 786 млн. 326 мең сум булачак. Чыгымнар исә 174 млрд. 353 млн. 309 мең сум тәшкил итәр дип фаразлана. Бюджет кытлыгына килгәндә, ул 7 млрд 566 млн 983 мең булачак.
Агымдагы ел бюджеты кереме 160,6 млрд. сум, чыгымнар 166,4 млрд. сум, дефицит 5,8 млрд. сум дип фаразланган иде.
Узган ел, икътисадый кризиска бәйле рәвештә, 1 еллык кына бюджет кабул ителде. Быел исә, алдагы еллардагы кебек, 3 еллык бюджет планы каралды.
Татарстан Дәүләт Советы Рәисе Фәрит Мөхәммәтшин бюджет проектына карата игътибарлы булырга өндәде.
ДБУ “Икътисади һәм социаль тикшеренүләр Үзәге”ндә Фәнни-координацион советының чиратагы утырышы узды.
Капиталь төзүгә кирәк булган чыгымнарны мониторинглау өчен автоматлаштырылган системасын булдыру, социаль инфраструктураны, тышкы төзекләндерүне, гомуми файдаланудагы автомобиль юлларын капиталь һәм көндәлек ремонтлау, реконструкцияләү турында учрежденияләр мәгълүматлар базасын администрацияләү бүлегенең әйдәүче белгече И.М.Калимуллин сөйләп бирде.
Икътисад яңалыкларын информацион-аналитик бүлегенең баш белгече Р.Р.Ильина китерде.
ДБУ “Икътисади һәм социаль тикшеренүләр Үзәге”дә Татарстан Республикасының мәктәпкәчә укыту организацияләрен финанс яктан тәэмин итү нормативларын үзгәртү сорауларына багышланган җыелыш булып узды.
Җыелышта Татарстан Республикасы Мәгариф һәм фән министрлыгы, Икътисад министрлыгы һәм Казан шәһәре башкарма комитетының Мәгариф идарәсе вәкилләре катнаштылар. Әлеге чараны ДБУ “Икътисади һәм социаль тикшеренүләр Үзәге”нең директоры А.Н.Кудрявцева алып барды.
Бүген Татарстан Республикасы Хөкүмәте Йортында узган 2030 елга кадәр Татарстан Республикасын социаль-икътисадый үстерү стратегиясен гамәлгә ашыруның башлангыч йомгаклары турында сөйләделәр. Аның эшендә Татарстан Республикасы Президенты Рөстәм Миңнеханов, «Стратегик эшләнмәләр үзәге» фонды советы рәисе Алексей Кудрин, Татарстан Республикасы Премьер-министры Илдар Халиков, Татарстан Республикасы Дәүләт Советы Рәисе Фәрит Мөхәммәтшин, Югары икътисад мәктәбе ректоры Ярослав Кузьминов, республика министрлыклары һәм ведомстволары җитәкчеләре катнашты.
Сессияне ачып, Рөстәм Миңнеханов билгеләп үткәнчә, «Татарстан-2030» стратегиясен эшләүнең ике елы эчендә 3,5 мең кеше катнашында 130 чара уздырылган. Төрле хакимият органнары, мәгариф һәм иҗтимагый оешмалар, аналитик үзәкләр, предприятиеләр актив катнашкан.
Татарстан Президенты тарафыннан 2017 елга республика бюджеты 166,8 млрд, чыгымы 174,4 млрд сум булыр дип планлаштырылган. Бу хакта бүген 2016 елның 9 аенда Татарстанның берләштерелгән бюджет үтәлеше нәтиҗәләренә багышланган республика киңәшмәсендә ТР финанслар министры Радик Гайзатуллин хәбәр итте.
Татарстан Республикасы Президенты Рөстәм Миңнеханов рәиселегендәге киңәшмәдә шулай ук Татарстан Республикасы Премьер-министры Илдар Халиков катнашты.
“Бюджет проектында, федераль бюджетны каралышка кертү вакыты октябрь ахырына күчерелү сәбәпле, федераль акчалар юк. Ул икенче укылышка планлаштырылган”, - дип аңлатты министр. 2017-2019 елларга бюджет формалаштырылганда 2017 елга керемнәр күләме нефтьнең барреле 40 доллар, доллар курсы 65 сум, инфляция 4,9 процент исәбе файдаланып саналды, диде Радик Гайзатуллин.
Татарстан Республикасында Коррупциягә каршы көрәш буенча эшне җайга салу комиссиясенә көнкүреш өлкәсендә коррупция күренешләренә каршы көрәш мәсьәләсенә кире кайтырга туры килде. Бүген комиссия утырышы Казан Кремленең Вәкиллек корпусында узды. Утырышта Татарстан Республикасы Президенты Рөстәм Миңнеханов рәислек итте.
Утырыш эшендә шулай ук Татарстан Республикасы Дәүләт Киңәшчесе Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, Татарстан Республикасы Премьер-министры Илдар Халиков, Прокуратура вәкилләре, республика министрлыклары һәм ведомстволары, иҗтимагый оешмалар җитәкчеләре, Татарстан Республикасы районнары башлыклары катнашты.